МАКТУБИ ИТТИЛООТӢ

Академияи Вазорати корҳои дохилии Ҷумҳурии Тоҷикистон тасмим гирифтааст, ки санаи 7 декабри соли 2018 бахшида ба 70-умин солгарди рӯзи қабули Эъломияи умумии ҳуқуқи башар баргузории I-умин Конференсияи илмӣ-назариявии байналмилалиро дар мавзӯи «Ҳуқуқи инсон ва ҷаҳонишавӣ» баргузор намояд.

Дар кори конференсияи мазкур олимони соҳаи ҳуқуқшиносӣ, намояндагони ҳокимияти қонунгузор, иҷроия ва суд, адвокатура, роҳбарият ва кормандони мақомоти ҳифзи ҳуқуқ, ҳамчунин намояндагони давлатҳои аъзои ИДМ ва дигар давлатҳои хориҷии дуру наздик, ки ба нақшаи мавзӯи конференсия ҳавасманданд, метавонанд иштирок намоянд.
Дар конференсия муҳокимаи ҳолати муосири қонунгузорӣ дар самти ҳуқуқи инсон ва амалияи тадбиқи он ба нақша гирифта шудааст. Ҳамчунин дар кори конференсия мавзӯъҳои зерин баррасӣ мегарданд:
– нақши Эъломияи умумии ҳуқуқи башар ва дигар санадҳои меъёрии ҳуқуқии байналмилалӣ дар ҳимояи ҳуқуқи инсон;
– ҳолати муосири сиёсати давлативу ҷаҳонӣ дар самти ҳимоя ва таъмини ҳуқуқи инсон: таҳлили ҳуқуқӣ-муқоисавӣ;
– механизми ҳимояи ҳуқуқи инсон: проблемаҳо ва дурнамои он;
– ҳимояи категорияи алоҳидаи ҳуқуқи инсон: ҳуқуқи шаҳрвандони хориҷӣ, шахсони бешаҳрванд, занон, кӯдакон, маъюбон, гурезагон, муҳоҷирони меҳнатӣ ва ғ.
– нақши мақомоти ҳифзи ҳуқуқ дар таъмини ҳуқуқи инсон: таҳлили муқоисавӣ;
– ҳуқуқи инсон дар фаъолияти оперативӣ-ҷустуҷӯӣ, мурофиавӣ-ҷиноятӣ ва маъмурии мақомоти корҳои дохилӣ;
– нақши Ваколатдор оид ба ҳуқуқи инсон дар таъмини ҳуқуқи инсон: таҳлили муқоисавӣ;
– нақши институтҳои ҷомеаи шаҳрвандӣ дар ҳимояи ҳуқуқи инсон; 
– таҳдидҳои замони муосир ва ҳуқуқи инсон дар асри ХХI;
– проблемаҳои муҳими ҳуқуқи байналмилалӣ инсондӯстона.
Иштироки бевосита ва ё ғоибона дар кори конференсия имконпазир аст. Хароҷоти роҳ, истиқомат ва хӯрду хӯрок аз ҳисоби худи иштироккунанда ё ҷониби равонкунанда мебошад. Даъвати иштирокчиён баъд аз қабули дархост ва баррасии фишурда (тезис) ё мақола ба роҳ монда мешавад.
Забони кори конференсия – тоҷикӣ ва русӣ.
Баромад ва мақолаҳоро метавонед бо забони тоҷикӣ, русӣ ва англисӣ ирсол намоед.
Барои иштирок дар кори конференсия то 24 ноябри соли 2018 дархост (замимаи 1) ва шакли электронии фишурда (тезис) ва мақола (замимаи 2) қабул карда мешаванд.
Дархосте, ки баъд аз 24 ноябри соли 2018 ирсол карда мешавад, баррасӣ намегардад.
Баъд аз анҷоми кори конференсия омода намудани маҷмӯаи маводи конференсия, ба нақша гирифта шудааст.
Суроғаи электронӣ барои ирсоли мавод:
Оид ба дигар масъалаҳои вобаста ба кори конференсия метавонед тавассути телефонӣ: + (992 37) 226-28-92; 226-28-57; факс: + (992 37) 226-60-43; + (992) 939-92-69-23 дар тамос бошед.
Шахси масъул: Мансурзода Амиршоҳ Мансур.

Иштироки Шуморо дар кори конференсия таманно дорем!

Кумитаи тадорукот

Замимаи 1

ДАРХОСТ
барои иштирок дар I-умин Конференсияи илмӣ-назариявии байналмилалӣ дар мавзӯи «Ҳуқуқи инсон ва ҷаҳонишавӣ» бахшида ба 70-умин солгарди рӯзи қабули Эъломияи умумии ҳуқуқи башар

Замимаи 2

ТАЛАБОТ БАРОИ ПЕШНИҲОДИ МАВОД

1. Мақола ва ё фишурда (тезис) ба кафедраи “Фанҳои давлатӣ-ҳуқуқӣ” ва ё “Шуъбаи ташкилӣ-илмӣ ва табъу нашри Академияи ВКД Ҷумҳурии Тоҷикистон” дар намуди чопӣ ва ё ин ки электронӣ пешниҳод карда мешавад.

2. Ба мақола/фишурда (тезис) бояд маълумот дар бораи муаллиф(он) бо ишораи ному насаб, ҷойи кор (номи ташкилот), вазифаи ишғолкарда, дараҷаи илмӣ, унвони илмӣ, рақами телефон ва суроғаи электронӣ замима шаванд.
3. Шакли электронии мақола дар намуди файли MS Word дар андозаи *. doc бояд мутобиқат кунад. 
4. Файл бояд дорои ному насаби муаллиф (-он) бошад, мисол: Раҷабов Н. doc, Раҷабов-Собиров. Doc
5. Ҳаҷми мақола бояд на кам аз 5 ва на зиёда аз 20 саҳифа (барои докторон ва номзадҳои илм) ва на зиёда аз 12 саҳифа (барои докторантон, унвонҷӯён ва адъюнктон) бошад.
6. Ҳаҷми фишурда (тезис) бояд на кам аз 5 саҳифа бошад.
7. Мақола бояд бо ҳарфҳои муқаррарӣ, дар шакли электронӣ бо гарнитураҳои Times New Roman Tj, Times New Roman бо фосилаи байнисатрии ягона (одинарный) ҳуруфчинӣ шуда бошад. Фосилаи сархат бояд якхела ва баробар ба 1,25 см. бошад. 
8. Андозаи ҳуруфи асосӣ бояд ба 14 баробар бошад.
9. Рақамгузории иқтибосҳо ба адабиёт бо рақамҳои арабӣ дар қавсҳои мураббаъ оварда мешаванд, масалан: «Ҳамчунонки аз ҷониби К.Ҳ.Солиев ишора гардидааст [2, с.34-40], чунин самара ҳангоме зоҳир мегардад, ки…». 
10. Рӯйхати адабиёти истифодашудае, ки муаллиф ба он такя мекунад, дар охири мақола оварда мешавад. Поварақ (ҳам дар зери ҳар саҳифа ва ҳам дар охири ҳар мақола) иҷозат дода намешавад.
11. Дар дохилӣ матн истифода бурдани рақам ва ё аломатгузории автоматӣ манъ мебошад.
12. Варақҳо саҳифабандӣ карда намешаванд.
13. Барои мазмуни фишурда (тезис) ва мақола, инчунин саҳеҳ будани маълумоти дарҷгардида, ҳиссаи матни (плагиат) муаллифонашон масъул мебошанд.
14. Мақолаҳо ба суроғаи 734012, ш.Душанбе, кӯчаи М.Мастонгулов, 3, тел: +(992) 226-28-92 ирсол карда мешаванд.
15. Суроғаи интернетӣ E-mail: Этот адрес электронной почты защищен от спам-ботов. У вас должен быть включен JavaScript для просмотра.; Этот адрес электронной почты защищен от спам-ботов. У вас должен быть включен JavaScript для просмотра.

НАМУНА БАРОИ ТАРТИБ ДОДАНИ МАҚОЛА