ҒАМХОРИИ НЕКХОҲОНА

Ҳамасола, дар арафаи ҷашнҳо: Соли нав, Наврӯз, Рӯзи модар, Артиши миллӣ, Ваҳдати миллӣ, Истиқлолияти давлатӣ, Рӯзи милитсия ва ғайра роҳбарияти Академияи ВКД Ҷумҳурии Тоҷикистон фарзандони ятими кул, онҳое, ки аз як волидайн маҳруманд, бо кӯмакҳои моддӣ ва пулӣ сарфароз гардонида мешаванд.
Рӯзи гузашта низ аз ҷониби роҳбарияти Академияи ВКД ба чунин минвол ба курсантон кӯмакҳо расонида шуд. Бояд иброз намуд, ки ин табақаи курсантон дар ҳама факултетҳои муассисаи мазкур тибқи дастуру супоришҳои роҳбарияти ВКД Ҷумҳурии Тоҷикистон пайваста дар зери таваҷҷуҳ қарор дошта, то хатми таълимгоҳ ин ғамхориҳо идома дорад.
Сардори Академияи ВКД Ҷумҳурии Тоҷикистон, номзади илмҳои ҳуқуқшиносӣ, дотсент, генерал - майори милитсия Насуриён Пулод Асадулло дар мулоқоташ иброз дошт, ки:
"Шумо шогирдони азизи мо дар ин таълимгоҳ мебошед ва то охирин рӯзи будубошатон дар ин муассисаи таълимӣ танҳо нестед. Мо муваззафем ҳамеша ба шумо ғамхориҳо зоҳир намоем, то ки шумо дар оянда ба мутахассисони арзандаи маслаки пешакарда сазовор бошед".
Бахшида ба Соли нави мелодӣ ба шогирдон табрику таҳният гуфта, таманниёти сардори муассисаи таълимӣ иброз гардид.
Назарзода Н.Ҷ.