Машқҳои оперативӣ-тактикӣ - 2025

Машқҳои оперативӣ-тактикӣ марҳилаи хотимавии омӯхтани фанҳои «Фаъолияти оперативӣ-ҷустуҷӯӣ», «Фаъолияти маъмурии мақомоти корҳои дохилӣ» ва «Мурофиаи ҷиноятӣ» аз ҷониби курсантон буда, усули самарабахши санҷиш ва мустаҳкам намудани дониши назариявӣ ва таҷрибаҳои амалии курсантон бо ин фанҳо мебошад.
Барои роҳбарӣ намудан ва гузаронидани машқҳои оперативӣ-тактикӣ бо фармоиши сардори Академияи ВКД Ҷумҳурии Тоҷикистон, ситод аз ҳисоби роҳбарияти Академияи ВКД, шуъбаи таълим ва ҳайати профессорону омӯзгорони кафедраҳои тахассусӣ таъсис дода шуд.
Дар машқҳои оперативӣ-тактикӣ ба дарёфт намудани воситаи нашъадор, моддаҳои тарканда ва дастгир намудани ҷинояткорон санаи 24 декабри соли 2025 дарси амалӣ аз ҷониби кормандони Маркази хадамоти кинологии ВКД, Раёсати воҳидҳои таъиноти махсуси ВКД ва Раёсати ташхисӣ - криминалистии ВКД Ҷумҳурии Тоҷикистон гузаронида шуд.
Дар давраи гузаштани машқҳои оперативӣ-тактикӣ курсантон бо тартиби истифодаи сагҳои хизматӣ, тартиби дарёфт намудани маводи мухаддир, дарёфт намудани олотҳои ҷиноят, тартиби дастгир намудани ҷинояткорон ва ҳамчунин бо асбобу таҷҳизотҳои экспертӣ-криминалистӣ шиносоӣ пайдо намуданд.
Роҳбарияти Академияи ВКД Ҷумҳурии Тоҷикистон ҷиҳати вусъат ёфтани ҳамкории судманд бо Маркази хадамоти кинологии ВКД, Раёсати воҳидҳои таъиноти махсуси ВКД ва Раёсати ташхисӣ - криминалистии ВКД Ҷумҳурии Тоҷикистон, миннатдории хешро баён менамояд.

Сардори кафедраи ташкили тактикаи
ФОҶ-и факултети № 6 Академияи ВКД
Ҷумҳурии Тоҷикистон,
подполковники милитсия Абдуллозода Ш.Ф.