Ташрифи ҳайати Вазорати корҳои дохилии Шоҳигарии Арабистони Саудӣ ба Академияи ВКД

Дар доираи муносибати дуҷонибаи дӯстӣ ва ҳамгироии Вазорати корҳои дохилии Ҷумҳурии Тоҷикистон бо Вазорати корҳои дохилии Шоҳигарии Арабистони Саудӣ 9-уми октябри соли равон, сардори Сарраёсати тафтишот ва ҷустуҷӯи ҷиноятии ин кишвар генерал-майор Муҳаммад ибни Абдураҳмон ал-Муҳаймид ба Академияи ВКД ташриф оварданд.
Чун анъана аз рӯи суннати меҳмоннавозии тоҷикона меҳмононро сардори Академияи ВКД Ҷумҳурии Тоҷикистон генерал-майори милитсия Насуриён Пулод, қаровули фахрӣ ва сардорони ҷузъу томҳои Академия гарму самимона пешвоз гирифтанд.
Меҳмонони олиқадр бо роҳбарони ҷузъу томҳои Академияи ВКД оид ба корҳои илмӣ-таълимӣ мулоқот намуда, сипас бо инфрасохтор ва Осорхонаи Академияи ВКД шиносоӣ пайдо карданд.
Зикр гардид, ки Пешвои миллати тоҷик муҳтарам Эмомалӣ Раҳмон ҷиҳати таълиму тарбияи курсантону омȳзгорон таваҷҷӯҳи хоса зоҳир намуда, дар ҳақиқат бо санъати баланди меъморӣ ин бинои муҳташамро сохта, шароити замонавӣ муҳайё намудаанд.
Сафарова С.Н., Убайдуллоев Ш.