Конференсияи ҷумҳуриявӣ бахшида ба Рӯзи Истиқлолияти давлатӣ

Бо ибтикори сардори Академияи ВКД Ҷумҳурии Тоҷикистон, номзади илмҳои ҳуқуқшиносӣ, генерал-майори милитсия Насуриён Пулод Асадулло ва кафедраи фанҳои ҷамъиятии факултети №2 дар Академияи ВКД Ҷумҳурии Тоҷикистон конференсияи илмӣ-назариявии ҷумҳуриявӣ дар мавзӯи «Истиқлолияти сиёсӣ ва ҳифзи манфиатҳои миллӣ» бо ҷалби олимон ва коршиносони масоили сиёсӣ баргузор гардид.
Кори конференсия бо садо додани Суруди миллии Ҷумҳурии Тоҷикистон оғоз ёфта, бо сухани табрикӣ сардори Академияи ВКД Ҷумҳурии Тоҷикистон, номзади илмҳои ҳуқуқшиносӣ, генерал-майори милится Насуриён Пулод Асадулло баромад намуд.
Пеш аз қироати маърӯзаҳо бо Фармони Вазири корҳои дохилӣ ва Фармоиши сардори Академияи ВКД фаъолон бо рутбаҳои махсус ва мукофотҳои соҳавӣ қадрдонӣ гардиданд.
Сипас дар асоси барномаи конференсия олимон аз АМИТ, ДМТ, Академияи идоракунии назди Президенти Ҷумҳурии Тоҷикистон, Донишкадаи такмили ихтисоси Вазорати адлия, Маркази тадқиқоти стратегии назди Президенти Ҷумҳурии Тоҷикистон дар мавзуъҳои гуногун баромад намуданд.
Дар фарҷоми кори конференсия ба меҳмонон китобҳои ҷашнии олимони Академия тақдим гардид.
Асламов Б.С., Убайдуллоев Ш.Э.