Рӯзи дониш ва Дарси сулҳ дар Академияи Вазорати корҳои дохилӣ

1 сентябри соли 2024 дар Академияи Вазорати корҳои дохилии Ҷумҳурии Тоҷикистон бахшида ба Рӯзи дониш ва Дарси сулҳ бо иштироки Вазири корҳои дохилӣ генерал-полковники милитсия Раҳимзода Рамазон Ҳамро, ҳайати устодону афсарон ва курсантони ин муассисаи олии таълимӣ чорабинӣ баргузор гардид.

Вазири корҳои дохилӣ баҳри дар амал татбиқ намудани дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар Рӯзи дониш ва Дарси сулҳ дар Муассисаи таҳсилоти миёнаи умумии №19-и ноҳияи Сино баромад намуданд, ибрози андеша карда, ҳайати устодону афсарон ва курсантони Академияи Вазорати корҳои дохилиро бо оғози соли нави хониш табрику таҳният намуд.
Зикр гардид, ки шунавандагону курсантон бояд илму дониш, техникаю технология ва забонҳои хориҷиро омӯхта, соҳибкасбу тахассусманд ва ба талаботи замони муосир ҷавобгӯ бошанд.
Гул Маҳбуба, полковники милитсия