Ташрифи меҳмонони Вазорати корҳои дохилии Ҷумҳурии Беларус ба Академияи ВКД

Ҳамкориҳои мутақобилаи хадамоти “Муҳофиза”-и Вазоратҳои корҳои дохилии Тоҷикистон ва Беларус ривоҷу равнақ ёфта, дар ҳоли густариш қарор доранд. Қаблан як ҳайати босалоҳияти Хадамоти давлатии “Муҳофиза”-и Вазорати корҳои дохилии Ҷумҳурии Тоҷикистон, зери роҳбарии сардори Хадамот, генерал-майори милитсия Ализода А.Ҷ. аз бахшҳои Департаменти “Муҳофиза”-и ВКД Ҷумҳурии Беларус дидан намуда буданд.
Акнун, 22-юми ноябри соли 2023, як теъдод меҳмонони ин хадамот ба Тоҷикистон омада аз ҳамтоёни тоҷикистонии худ табодули таҷриба ба амал оварданд.
Дар доираи ин ҳамкориҳо, меҳмонон аз Академияи ВКД Ҷумҳурии Тоҷикистон дидан намуданд. Меҳмононро сардори Академияи ВКД, доктори илмҳои ҳуқуқшиносӣ, дотсент, генерал-майори милитсия Шарифзода Файзалӣ Раҳмоналӣ, муовинони сардор, сардорони факултетҳо ва ҷузъу томҳои Академия бо хушнудӣ пешвоз гирифтанд.
Вақти будубошашон дар ин таълимгоҳи ВКД меҳмонон ба дастовардҳои илмӣ, тадқиқотӣ, таълимӣ, тарбиявӣ ва варзишӣ аз наздик ошно гашта, барои таассуроти хубашон ба роҳбарияти ин таълимгоҳ изҳори сипос намуданд.
Ҳайати меҳмононро генерал-майори милитсия Шепелев Александр Святославович, сардори Департаменти муҳофизаи ВКД Ҷумҳурии Белорус сарварӣ дошт. Дар ҳайати меҳмонон инчунин сардорони Раёсатҳои муҳофизаи Раёсати корҳои дохилии вилояти Брест, полковники милитсия Казак Дмитрий Николаевич, сардори Раёсати муҳофизаи вилояти Могилёв, полковники милитсия Драчев Игор Иванович ва дигарон иштирок доштанд.
Бо фармоиши сардори Академияи ВКД, генерал-майори милитсия Шепелев Александр Святославович, сардори Департаменти муҳофизаи ВКД Ҷумҳурии Беларус бо “Медали ҷашнии Академияи ВКД Ҷумҳурии Тоҷикистон” ба хотири рушду таҳкими робитаҳо миёни Вазоратҳои корҳои дохилии Тоҷикистону Беларус сарфароз гардонида шуд.