ИДОМАИ МАШҚҲОИ ОПЕРАТИВӢ ДАР ФАКУЛТЕТИ РАҚАМИ 4-И АКАДЕМИЯИ ВКД

26 декабри соли 2024 аз ҷониби курсантони курси 5 гуруҳҳои таълимии 501 ва 502 амалиёти муштарак бо номи шартии «Дуздӣ» барои дастгир кардани гуруҳи муташаккили ҷинояткорон бо роҳбарии муаллими калони кафедраи фаъолияти оперативӣ-ҷустуҷӯии мақомоти корҳои дохилӣ подполковники милитсия Абдураҳмонзода И.И., кормандони амалӣ сардори шуъбаи криминалистӣ подполковники милитсия Авазов А.Ҷ. ва муовини сардори тафтишоти шуъбаи тафтишотии РВКД Ҷумҳурии Тоҷикистон дар вилояти Суғд майори милитсия Ҷумазода Х. баргузор гардид.
Дар рафти амалӣ намудани амалиёт аз тарафи курсантон амалиётҳои тафтишотӣ, аз қабили азназаргузаронии ҷойи ҳодиса, дарёфт кардани изи дасти ҷинояткорон ва дастгир намудани ҷинояткорон дар амал нишон дода шуда, амалӣ карда шуд.
Инчунин 27 декабри соли 2024 бо иштироки курсантони курси 5 гуруҳҳои таълимии 503 ва 504 амалиёт бо номи шартии «Нашъаманд» гузаронида шуд, ки дар вақти гузаронидани харидории санҷиши оперативӣ муайян кардани шахсияти маводи мухаддирро паҳнкунанда, инчунин бо иштироки меҳмонони соҳаи махсуси ШМЗГҒММ барои фаҳмидан ва муайян намудани маводи мухаддир кормандони алоҳидаи РВКД Ҷумҳурии Тоҷикистон дар вилояти Суғд буд, ташриф оварданд.
Муаллими кафедраи ФОҶ МКД,
лейтенанти калони милитсия
Муродзода Ф.Ғ.