Викторина дар мавзӯи “Забони англисӣ – воситаи муошират”

Рӯзи 27 апрели соли 2018, бо ташаббуси кафедраи забонҳои факултети №2-и Академияи Вазорати корҳои дохилӣ викторина дар мавзӯи «The international language of communication» (“Забони англисӣ – воситаи муошират”) бахшида ба «Соли рушди саёҳӣ ва ҳунарҳои мардумӣ» ва зодрӯзи сардафтари адабиёти муосири тоҷик Садриддин Айнӣ бо иштироки курсантони курси 1 ташкил ва баргузор карда шуд. 

Чорабинии мазкур мутобиқи Фармони Президенти Ҷумҳурии Тоҷикистон аз 4 апрели соли 2003 №1047 "Дар бораи такмили таълим ва омӯзиши забонҳои русӣ ва англисӣ дар Ҷумҳурии Тоҷикистон" асоси худро ёфт.
Муовини сардори Академияи ВКД, номзади илмҳои ҳуқуқ, полковники милитсия Саидзода З.А. бо сухани ифтитоҳӣ доир ба “Соли рушди сайёҳӣ ва ҳунарҳои мардумӣ” эълон гардидани соли 2018 ва хизматҳои шоёну қаҳрамониҳои адиби бузург - Садриддин Айнӣ ба чорабинии мазкур ҳусни оғоз бахшид. 
Сипас курсантони курси 1 шеърҳои англисӣ қироат намуда, оид ба ҳаёт ва фаъолият, хронологияи зиндагиномаи С.Айнӣ баромад намуданд.
Назруддинов М., Убайдуллоев Ш.