Викторина таҳти унвони «Низоми ҳуқуқии мақомоти корҳои дохилӣ»

Мувофиқи нақшаи чорабиниҳои асосии Академияи ВКД Ҷумҳурии Тоҷикистон ва нақшаи фаъолияти илмӣ-тадқиқоти факултети №4, кафедраи ҳуқуқи маъмурӣ ва фаъолияти маъмурӣ, ҳамчунин дар асоси дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ва баҳри амалӣ намудани он, санаи 9-уми ноябри соли 2018 бо ташаббуси «Кафедраи ҳуқуқи маъмурӣ ва фаъолияти маъмурӣ» дар толори факултети №4 Академияи ВКД Ҷумҳурии Тоҷикистон Викторина таҳти унвони «Низоми ҳуқуқии мақомоти корҳои дохилӣ» ташкил ва гузаронида шуд.
Дар он, сардори кафедраи ҳуқуқи маъмурӣ ва фаъолдияти маъмурӣ, полковники милитсия Муллобоев М.Р. ва ҳайати профессорону омӯзгорон иштирок намуданд.
Сухани ифтитоҳӣ ба сардори кафедраи ҳуқуқи маъмурӣ ва фаъолияти маъмурӣ, полковники милитсия Муллобоев М.Р. дода шуд. Ӯ, доир ба мавзӯӣ «Низоми ҳуқуқии мақомоти корҳои дохилӣ» дар назди иштирокчиён баромад карда, мӯҳтавои онро шарҳ дод.

Сипас, сухани навбатӣ ба курсантон, Давлатзода М. – курсанти курси 4-ум дар мавзӯъӣ «Функсияҳои асосии қисми навбатдорӣ» ва Ҳалимбоев Б. - курсанти курси 4-ум дар мавзӯъӣ «Мушаххасгардонии вазифаҳо дар системаи МКД» баромад намуданд.
Сипас, миёни курсантон ду гуруҳ ташкил карда шуд, ки яке бо номи «Ҳомии тартибот» ва дигаре бо номи «Адолат» ва байни онҳо саволу ҷавобҳо баргузор гардида, ба онҳо аз ҷониби доварон баҳогузорӣ карда шуд, ки дар охир гурӯҳи «Адолат» ғолибиятро ба даст овард. Шахсони баромадкунанда ба саволҳои курсантон ҷавоб дода амалияро бо назария алоқаманд намуданд.
Ҳамин тариқ, сардори кафедраи ҳуқуқи маъмурӣ ва фаъолияти маъмурӣ, полковники милитсия Муллобоев М.Р., викторинаро пӯшида гуфта, эълон намуд.
Абдуллозода Д., муаллими кафедраи ҳуқуқи маъмурӣ ва фаъолияти маъмурӣ, лейтенанти милитсия.