Барномаи таълимӣ

Ҳайдарзода Д.П. Барномаи таълимӣ аз фанни тайёрии оташфишонӣ оид ба гузаронидани ҷамъомади таълимӣ-саҳроӣ бо курсантони Академияи ВКД Ҷумҳурии Тоҷикистон. – Душанбе: Академияи ВКД, 2018. - 13 с.
Яке аз бахшҳои асосии омодагии касбии кормандони МКД аз худ намудани фанни тайёрии оташфишонӣ мебошад. Предмети асосии фанни мазкур - ин тарзи дуруст, бехато ва мақсаднок истифода бурдани силоҳи оташфишон дар ҳолатҳои гуногун мебошад.
Мавзӯҳои асосии фанни тайёрии оташфишонӣ - ин омӯзиши автомати Калашникови мукаммалкардашудаи 7,62 - мм ба ҳисоб меравад. Зеро дар ҳолатҳои зарурӣ аз ин силоҳ истифода намудан барои кормандони МКД бисёр муносиб ва боэътимод мебошад.
Аз ин лиҳоз, дар давраи гузаронидани ҷамъомади таълимӣ-саҳроӣ бо курсантони Академия ВКД Ҷумҳурии Тоҷикистон мавзӯи автомати Калашникови мукаммалкардашудаи 7,62 - мм дар доираи барномаи таълимии фанни тайёрии оташфишонӣ омӯзонида мешавад ва яке аз мавзӯҳои асосӣ ва аввалиндараҷа ба ҳисоб меравад.
Барномаи мазкур барои ташкили дурусти корҳои таълимии фанни тайёрии оташфишонӣ дар ҷамъомади таълимӣ-саҳроӣ бо курсантони Академияи ВКД Ҷумҳурии Тоҷикистон пешбинӣ шудааст.