Китобҳои тозанашри Академияи ВКД

Барномаи таълимӣ аз фанни тахассусии сиёсати зиддикоррупсионӣ барои курсантони курси 3, таҳсили 5-сола, ки муаллифи он профессори кафедраи ҳуқуқи ҷиноятӣ, криминология ва психологияи факултети №2-и Академияи ВКД, номзади илмҳои ҳуқуқ, подполковники милитсия Ҳусейнзода С.Ҳ. мебошад, аз чоп баромад. Барнома дар нашриёти «Форум-4» чоп шудааст.

Барномаи мазкур аз 80 саҳифа иборат буда, бо мақсади тайёр намудани мутахассисони соҳаи Агентии назорати давлатии молиявӣ ва мубориза бо коррупсия равона шуда, дар асоси қонунгузории ҷиноятӣ ва зиддикорруписонӣ, амрҳои Президенти Ҷумҳурии Тоҷикистон, санадҳои байналмилалӣ, самтҳои инкишофи онҳо ва бо дарназардошти тағйиротҳои сиёсӣ ва иҷтимоӣ-иқтисодӣ дар Ҷумҳурии Тоҷикистон тартиб дода шудааст.
Барномаи мазкур барои омӯзгорон, курсантон ва шунавандагони Академияи ВКД Ҷумҳурии Тоҷикистон бахшида шудааст.

Ҳамчунин дастури таълимии «Назарияи давлат ва ҳуқуқ» (Теория государства и права), ки муаллифони он Тошев А.М., Одиназода А.Ш. ва Қодиров Г.Н. мебошанд, ба забони русӣ ба табъ расидааст.
Дар дастур масъалаҳои асосии назарияи давлат ва ҳуқуқ, тавсифи мафҳумҳои ҳуқуқӣ ва дигар саволҳое, ки дар рафти дарсҳои семинарӣ баррасӣ мешаванд, дарҷ гардидаанд.
Дастур аз 204 саҳифа иборат буда, дар нашриёти “Эр-Граф” аз чоп баромадааст.
Дастури мазкур ба донишҷӯён, курсантон, аспирантон (адъюнктон) ва омӯзгорони муассисаҳои олии таълимии ҳуқуқӣ, ҳамчунин ба онҳое, ки оид ба масъалаҳои давлатӣ-ҳуқуқӣ завқ доранд, тавсия дода шудааст.