Пешсафии футболбозони факултети №4 Академияи ВКД дар мусобиқаҳои варзишӣ

Тибқи нақша оид ба гузаронидани чорабиниҳои варзишию солимгардонӣ ва фарҳангию фароғатии Вазорати корҳои дохилии Ҷумҳурии Тоҷикистон бахшида ба «Рӯзи ҷавонони Ҷумҳурии Тоҷикистон» таҳти шиори «Варзиш барои ҳайёти солим ва зидди нашъамандӣ», ҳамзамон вобаста ба иҷрои Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси олӣ, талаботи Қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», «Дар бораи озодии виҷдон ва иттиҳодияҳои динӣ», «Дар бораи маҳдуд намудани истифодаи маҳсулоти тамоку», «Дар бораи ҷавонон ва сиёсати давлатии ҷавонон дар Ҷумҳурии Тоҷикистон», бо ташаббуси бевоситаи Вазорати корҳои дохилӣ, Бахши кор бо ҷавонон ва варзиши шаҳри Хуҷанд ва Ҳизби халқӣ демократии Ҷумҳурии Тоҷикистон байни ҷавонон ва наврасони вилояти Суғд санаҳои 6-7-уми майи соли 2019 мусобиқаҳои варзишӣ ташкил ва гузаронида шуд.

Дар мусобиқаҳои мазкур курсантони факултети №4 Академияи ВКД Ҷумҳурии Тоҷикистон фаъолона иштирок намуда, дар намуди «Футболи хурд» байни дастаҳои ҷавонону донишҷӯёни муассисаҳои таҳсилоти олӣ ва миёнаи касбии вилояти Суғд ҷойи аввалро ишғол намуда, чемпиони мутлақ гардиданд.
Аз тарафи масъулони мусобиқаҳои мазкур дастаи футболбозони факултети №4 дар вазъияти тантанавӣ бо Ҷом ва Ифтихорномаҳои Вазири корҳои дохилии Ҷумҳурии Тоҷикистон қадрдонӣ карда шуданд.
Муҳаммадиев Н.Б., сардори кафедраи омодагии касбӣ ва ҷисмонии факултети №4 Академияи ВКД, полковники милитсия.