Тамошои намоишномаи «Доғи рӯз»

Санаи 18 апрели соли 2019 дар доираи чорабиниҳои фарҳангии факултети №3 Академияи ВКД, шунавандагони курси дуюми соли қабули 2017 факултети №3 ба театри давлатии драмавии ба номи А.Лоҳутӣ ташриф оварданд.

Дар театр намоишномаи «Доғи рӯз» ба тамошобинон намоиш дода шуд, ки хусусияти тарбиявӣ-ахлоқӣ дошта, ба қавле реалӣ буда, бо мазҳака омехта таҳия гардида буд. Дар намоишнома ҳунармандони мардумии театри мазкур ҳунарнамоӣ намуда, дар дилу дидаи тамошобинон ҷой гирифтанд.

Ташкили чунин чорабиниҳои фарҳангӣ ҷузъи ҷудонашавандаи барномаҳои фарҳангии Академияи ВКД маҳсуб ёфта, метавонад савияи дониши фарҳангии шунавандагонро баланд ва завқи эстетикии онҳоро сайқал диҳад. Шунавандагон аз тамошои намоишнома як ҷаҳон маънӣ бардоштанд.
Солеҳзода Ф., Сафарова С.