Хатми курси такмили ихтисос дар самти нозирони назорати давлатии бехатарӣ аз сухтор

Вобаста ба реҷаи тасдиқгардида аз тарафи Вазири корҳои дохилии Ҷумҳурии Тоҷикистон, гузаронидани курсҳои кӯтоҳмуддати такмили ихтисос дар заминаи факултети №3 Академияи ВКД Ҷумҳурии Тоҷикистон бо нозирони назорати давлатии бехатарӣ аз сӯхтори ҷузъу томи Сарраёсати хадамоти давлатии оташнишонии ВКД Ҷумҳурии Тоҷикистон, барои нимсолаи дуюми соли таҳсили 2018-2019 ҷиҳати баланд бардоштани савияи дониш, тайёр намудани кадрҳои баландихтисос ва болаёқат дар факултети мазкур аз рӯзи 1-ум то 11-уми апрели соли 2019 кормандони СХДО ВКД Ҷумҳурии Тоҷикистон 21-нафар ба дарс фаро гирифта шуданд.

Санаи 11-уми апрели соли ҷорӣ аз ҷониби муовини сардори Академияи ВКД оид ба илм, номзади илмҳои ҳуқуқ, дотсент, полковники милитсия Саидзода З.А. ба 21 нафар кормандони СХДО ВКД Ҷумҳурии Тоҷикистон, зимни суханронӣ ва табрикот шаҳодатномаҳо супорида шуд.
Бояд қайд кард, ки чунин курсҳои кӯтоҳмуддати такмили ихтисос дар заминаи факултети №3 Академияи ВКД бори аввал ташкил карда шуда, ин самт дар оянда ҷоннок карда мешавад.
Ҳалимзода Д.Д., Сафаров О.