Пирӯзии курсанти Академияи ВКД дар мусобиқаи шаҳрӣ оид ба дзюдо

Рӯзҳои 9-10- уми марти соли 2019 мусобиқаи кушоди шаҳрӣ дар Донишгохи тарбияи ҷисмонии Тоҷикистон бо номи С.Раҳимов бахшида ба эълон гардидани солҳои 2019-2021 ҳамчун "Солҳои рушди деҳот, сайёҳӣ ва ҳунарҳои мардумӣ" аз намуди гуштини дзюдо баргузор гардид.

Дар ин мусобиқа курсанти курси якуми Академияи Вазорати корҳои дохилии Ҷумҳурии Тоҷикистон Мирзоев Аюбҷон Абдуқодирович дар вазни 81 кг бар ҳарифони худ дастболо гардида, соҳиби ҷойи 1-ум ва медали тилло гардид.

Мавриди қайд аст, ки роҳбарияти Вазорати корҳои дохилӣ ба варзиш таваҷҷуҳи хоса зоҳир намуда, барои курсантону кормандони мақомоти корҳои дохилӣ ҳамаи шароитҳоро фароҳам овардааст.