Хатми курси такмили ихтисос Академияи ВКД

Вобаста ба иҷрои нақшаи кории кафедраи такмили ихтисос ва иҷрои реҷаи гузаронидани курсҳои такмили ихтисос дар заминаи факултети №3 Академияи ВКД барои соли хониши 2018-2019 ҷиҳати баланд бардоштани савияи дониш ва тайёр намудани кадрҳои баландихтисос ва болаёқат, дар факултети номбурда аз рӯзи 13-уми феврал то 13-уми марти соли равон, кормандони Хадамоти давлатии «Муҳофизаи»-и ВКД бо шумораи 20-нафар ба дарс, фаро гирифта шуда буданд.
14-уми марти соли ҷорӣ аз ҷониби муовинони сардори Академияи ВКД оид ба илм, номзади илмҳои ҳуқуқ, полковники милитсия, Саидзода З.А. ва оиди кор бо ҳайати шахсӣ, полковники милитсия Собирзода А.Ҷ., ба 20 нафар кормандони Хадамоти давлатии «Муҳофиза»-и ВКД, ки курси якмоҳаи такмили ихтисосро бомуввафақият хатм намуданд, сертификат супорида шуд.

Дар охир кормандони Хадамоти давлатии «Муҳофиза»-и ВКД, барои ташкил ва гузаронидани чунин курсҳои такмили ихтисос ба Роҳбарияти Вазорати корҳои дохилӣ ва Академияи ВКД Ҷумҳурии Тоҷикистон изҳори миннатдорӣ баён намуданд.

Ҳалимзода Д.Д.