Олимони ҷавон боиси ифтохоранд

Фаъолияти илмӣ - тадқиқотии устодону профессорони факултети №4 Академияи ВКД Ҷумҳурии Тоҷикистон дар асоси санадҳои меъёрии давлатӣ ва идоравие, ки чунин навъи фаъолиятро дар муассисаҳои олӣ ва илмию тадқиқотии ҷумҳурӣ ба танзим медароранд, сурат мегирад.
Натиҷаҳо ва самтҳои фаъолияти илмӣ-тадқиқотӣ дар маҷлисҳои кафедраҳо, Шӯрои олимон ва маҷлисҳои таъҷилии назди сардори факултет муҳокима карда шудаанд.
Самти дуюми асосии фаъолияти илмӣ-тадқиқотии факултети №4 - ин тайёр намудани кадрҳои баландихтисоси илмӣ-педагогӣ маҳсуб мегардад.
Айни замон дар факултети №4, 8 нафар унвонҷӯён тадқиқотҳои диссератсиониро амалӣ карда истодаанд, ки яке аз устодони факултет, иҷрокунандаи вазифаи сардори кафедраи ҳуқуқи ҷиноятӣ ва мурофиавӣ, подполковники милитсия Хушвахтзода Хуршед Худойқул корҳои диссертатсионии хешро ба анҷом расонида, ҳоло дар арафаи ҳимоя қарор дорад.

Зеро санаи 4-уми марти соли 2019 дар шуъбаи ҷанубии Академияи миллии Ҷумҳурии Қирғисистон ва Донишгоҳи давлатии вилояти Ош дар мавзӯи “Институт военного управления Таджикистана 8-13 веках (Историко-правовое иследование)” номзадии пеш аз дифоъро бомуваффақият ҳимоя намуд.
Бояд зикр кард, ки аз тарафи подполковники милитсия Хушвахтзода Хуршед Худойқул зиёда аз 25 мақолаҳои илмӣ вобаста ба мавзӯи рисолаи номзадӣ дар маҷаллаҳои дохиливу хориҷии кишвар нашр шудааст. Мо умед аз он дорем, дар рӯзҳои наздик подполковники милитсия Хушвахтзода Хуршед Худойқул рисолаи диссертатсионии худро дифоъ намуда, намунаи дигар устодони ҷавони факултет мегардад, яъне боиси фахри Академияи ВКД Ҷумҳурии Тоҷикистон аст, ки солҳои охир ҳамаи устодони ҷавони факултет ба илму маърифат рӯ овардаанд.