Ҷашни ботантанаи 26-солагии таъсисёбии Қувваҳои мусаллаҳи кишвар дар Академияи ВКД

Рӯзи 22-юми феврали соли 2019 дар Академияи ВКД бо иштироки роҳбарият, ҳайти шахсӣ ва инчунин сардори кафедраи ҳарбии Донишгоҳи миллии Тоҷикистон, полковник Назарзода Д.П., роҳбари бадеии ансамбли халқии “Наврӯз”-и Донишгоҳи миллии Тоҷикистон Ҳакимов А., ҷашни бо тантанаи 26-солагии таъсисёбии Қувваҳои мусаллаҳи Ҷумҳурии Тоҷикистон баргузор гардид.

Дар ҷаласаи тантанавӣ сардори Академияи ВКД, генерал-майори милитсия Шарифзода Ф.Р. бо маърӯза ва сухани табрикотӣ баромад намуда, иброз дошт, ки Артиши миллӣ бо ташаббуси созандаи Сарфармондеҳи Олии Қувваҳои мусаллаҳи Ҷумҳурии Тоҷикистон, Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон 26-сол муқаддам таъсис дода шуд, ки солҳои истиқлолият ба як нерӯи пурқувват табдил ёфта, аз лиҳози техникию моддӣ муҷаҳаз гардонида шуд.

Дар ин асно як қатор афсарон ва меҳмононе, ки дар чорабинии мазкур иштирок доштанд аз ҷониби сардори Академияи ВКД бо мукофотҳо қадрдонӣ карда шуданд. Ҷашни ботантанаи 26-солагии таъсисёбӣ дар Академияи ВКД дар рӯҳияи баланди ватандӯстӣ ва идона доир гардида, дӯстию рафоқати афсарону курсантонро боз ҳам қавӣ гардонид.

Дар анҷоми чорабинӣ аз номи ректори Донишгоҳи миллӣ, академики Академияи илмҳои Ҷумҳурии Тоҷикистон, академики Академияи илмҳои педагогӣ ва иҷтимоии Федератсияи Россия, доктори илмҳои филологӣ, профессор Имомзода Муҳаммадюсуф Сайдалӣ 100 адад сару либоси низомӣ ҳамчун туҳфа ба курсантони Академияи ВКД тақдим карда шуд.
Шавкат Убайдуллоев, Саида Сафарова.