Шунавандагони Академияи ВКД аъзои китобхона гардиданд

Роҳбарияти Вазорати корҳои дохилӣ ҷиҳати баланд бардоштани маърифати касбӣ, фарҳанг ва ҷаҳонбинии ҳайати шахсӣ таваҷҷуҳи хоса зоҳир намуда, дар ин замина ҳайати шахсӣ, шунавандагон ва курсантони Академияи ВКД пайваста ба тамошои театру филмномаҳо ҷалб карда мешаванд. Ҳамчунин миёни ҳайати шахсӣ озмуну санҷишҳо вобаста хондани китобҳои бадеӣ ва илмӣ ба роҳ монда шуда, ғолибони озмун бо туҳфаҳои хотиравӣ қадрдонӣ карда мешаванд.
Дар робита ба ин санаи 15-уми феврали соли 2019 шунавандагони факултети №3 Академияи ВКД ба таври дастаҷамъона ба Китобхонаи миллӣ ташриф оварда, барои минбаъд бе монеа истифода намудан аз осори бадеиву илмии Китобхонаи мазкур аъзои китобхона гардиданд.

Аз ин пас, шунавандагони Академияи ВКД дар вақтҳои барои худ мувофиқ ба Китобхонаи миллӣ ҳозир гардида, баҳри баланд бардоштани донишу малакаи худ метавонанд аз осори китобхонаи мазкур самаранок истифода намоянд.
Назарзода Ҳ.