Кормандони Хадамоти шиносномавию бақайдгирии ВКД курсҳои такмили ихтисосро хатм намуданд

Аз 9-уми январ то 9-уми феврали соли 2018 дар заминаи кафедраи такмили ихтисоси факултети №3 Академияи ВКД Ҷумҳурии Тоҷикистон кормандони самти фаъолияти Хадамоти шиносномавию бақайдгирии Вазорати корҳои дохилӣ ба курси такмили ихтисос ҷалб гардиданд.
Ҳайати профессорону омӯзгорони Академияи ВКД кӯшиш намуданд, ки дар ин муддат баҳри сайқал додани савияи дониши назариявӣ ва амалии кормандони Хадамоти шиносномавию бақайдгирии ВКД саҳми худро гузоранд.
Қайд кардан ба маврид аст, ки мувофиқи нақшаи тасдиқгардида аз ҷониби Вазири корҳои дохилӣ генерал-полковники милитсия Раҳимзода Рамазон Ҳамро барои гузаронидани дарсҳо дар ин самт мутахассисони ботаҷрибаи соҳа даъват гардида буданд.
Санаи 9-уми феврал бо иштироки муовини сардори Академияи ВКД оиди кор бо ҳайати шахсӣ полковники милитсия Собирзода А.Ҷ. маросими тантанавии супоридани сертификатҳо ба шунавандагони курси такмили ихтисос баргузор гардид.

Зимни суханронии худ полковники милитсия Собирзода А.Ҷ. шунавандагонро ба ин муносибат табрик гуфта, ба онҳо дар кори амалӣ барору комёбиҳо таманно намуд.
Шунавандагони курсҳои такмили ихтисоси мазкур бо рӯҳияи баланд аз роҳбарият ва ҳайати профессорону омӯзгорони Академияи ВКД барои ташкили чунин курсҳои муфид изҳори миннатдорӣ намуданд.
Ҳалимзода Д.Д., Сафаров О.Х.