Маросими хатми шунавандагони курсҳои кӯтоҳмуддати такмили ихтисоси факултети №3

Аз 14 то 24-уми январи соли равон, дар заминаи кафедраи такмили ихтисоси факултети №3 Академияи Вазорати корҳои дохилӣ кормандони оперативии мақомоти ҳифзи ҳуқуқ дар самти ҷиноятҳои марбут ба савдои одамон ба курсҳои кӯтоҳмуддати такмили ихтисос ҷалб гардиданд.
Ҳайати профессорону омӯзгорони Академияи ВКД кӯшиш намуданд, ки дар ин муддат баҳри сайқал додани савияи дониши назариявӣ ва амалии кормандони оперативӣ саҳми худро гузоранд.

Қайд кардан ба маврид аст, ки мувофиқи нақшаи тасдиқ гардида аз тарафи Вазири корҳои дохилӣ генерал-полковники милитсия Раҳимзода Рамазон Ҳамро, барои гузаронидани дарсҳо дар ин самт мутахассисони ботаҷрибаи соҳа даъват гардида буданд.
Санаи 24-уми январ бо иштироки муовини аввали сардори Академияи ВКД генерал-майори милитсия Кабирзода Ҷ.Ҳ. маросими тантанавии супоридани шаҳодатномаҳо ба шунавандагони курси такмили ихтисос баргузор гардид.

Зимни суханронии худ Кабирзода Ҷ.Ҳ. шунавандагонро ба ин муносибат табрик гуфта, ба онҳо дар кори амалӣ барору комёбиҳо таманно намуд.
Ҳалимзода Д.Д., Сафаров О.Х.