Иштироки фаъоли курсантон дар мусобиқаи идона

Бахшида ба Рӯзи қабули Конститутсия ва Иди милитсияи тоҷик дар Академияи ВКД мусобиқаи шахсӣ-даставӣ оид ба бозии шоҳмот байни курсантони факултетҳои №№2, 5 ва 6 гузаронида шуд, ки он мувофиқи қоидаҳои байналмилалии Федератсияи шоҳмот сурат гирифт.

Дар ин мусобиқаи идона зиёда аз 20 нафар курсантони факултетҳои номбурда бо ҳам рақобат намуда, дар байни писарон се ҷойи аввалро мутаносибан курсанти курси 1-уми факултети №6 Шарифзода Рамазон Рустам ва курсантони курси 2-юми факултети №6 Хуршед Абдуллоев ва Ҷаҳонгир Чилаев соҳиб гардиданд.

Дар байни духтарон бошад, се ҷойи аввал мутаносибан насиби курсанти курси 1-уми факултети №2 Ризозода Ширин Ҷамолиддин, курсанти курси 4-уми факултети №2 Қиматгул Ҷабборова ва курсанти курси 2-юми факултети №5 Раҷабмоҳ Бурҳонова гардиданд.
Дар охири мусобиқа аз тарафи роҳбарияти Академияи ВКД ба ғолибон туҳфаҳои хотиравӣ тақдим карда шуд.
Шавкат УБАЙДУЛЛОЕВ