Ваҳдати миллӣ - пояи устувори миллат

Дар толори Академияи ВКД Ҷумҳурии Тоҷикистон санаи 23-юми июни соли 2018 бо ташабуси кафедраҳои фанҳои ҷамъиятӣ, фанҳои маъмурӣ ва забонҳо бахшида ба 21-умин солгарди Рӯзи Ваҳдати миллӣ конференсияи илмӣ-назариявӣ ва бадеии ҷумҳуриявӣ зери унвони «Ваҳдати миллӣ - пояи устувори миллат» баргузор гардид.

Кори конференсияро муовини аввали сардори Академияи ВКД генерал-майори милитсия Кабирзода Ҷ.Ҳ. кушода, дар бораи аҳамияти Созишномаи умумии истиқрори сулҳ ва ризоияти миллӣ, хизматҳои шабонарӯзии Асосгузори сулҳу ваҳдати милллӣ, Пешвои миллат муҳтарам Эмомалӣ Раҳмон суханронӣ намуд.
Сипас, Раиси собиқадорони ВКД генерал-майори милитсия Ҷурахонзода С.Қ. дар бораи ваҳдати миллӣ ва тарбияи ҷавонон маърӯза кард. Ҳамчунин дар кори конференсия шоири халқии Тоҷикистон Муҳаммад Ғоиб ва ҳунарманди шоиста Файзалӣ Ҳасан ширкат доштанд.
Дар васфи Ваҳдати миллӣ шеъру сурудҳо бо маҳорати баланд иҷро гардиданд. Махсусан ба ҳозирин суруди Пешвои миллат бар матни Ниҳонӣ писанд омада, бо қарсакҳои пурмавҷ истиқбол гардид.

Шоир Муҳаммад Ғоиб ба Вазири корҳои дохилӣ ва роҳбарияти Академия барои баргузории конфересияи сатҳи ҷумхуриявӣ изҳори минатдорӣ намуда, қайд кард, ки бо шарофати сиёсати сулҳҷӯёнаи Пешвои миллат муҳтарам Эмомалӣ Раҳмон мо дар фазои тинҷу осоишта кору пайкор менамоем.
Дар кори конференсия омӯзгорону курсантон бо музокираҳо баромад намуданд.
Конфересияро муовини аввали сардори Академияи ВКД генерал-майори милитсия Кабирзода Ҷ.Ҳ. ҷамбаст намуда, ба ҳозирин ҷиҳати иштироки фаъолона изҳори минатдорӣ кард.
Асламов Б.С., Убайдуллоев Ш,Э.