Шанбегӣ дар Академияи ВКД Ҷумҳурии Тоҷикистон

Мутобиқи дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ҷаласаи оперативӣ-хизматии назди Вазири корҳои дохилӣ, бинобар эълон намудани рӯзҳои шанбе – «Рӯзҳои экология» ҳайати шахсии Академияи ВКД Ҷумҳурии Тоҷикистон рӯзи 2-юми июни соли 2018 дастаҷамъона маъракаи шанбегӣ ташкил намуда, барои тозаю озода намудани гирду атрофии бинои Академия, рангу бори роҳравҳо, синфхонаҳо, кабудизоркунӣ ва шинондани гӯлу буттаҳои ороишӣ ҷалб карда шуданд.

Инчунин, бо роҳбарии муовини сардори Академияи ВКД, полковники милитсия Ҳалимзода А.Ҳ. бо як гурӯҳ омӯзгорон ва курсантони курси чоруми факултети № 2, аз ҷумла, 50-нафар курсант гирду атрофии минтақаҳои гуногуни шаҳри Душанбе, аз ҷумла,  аз бинои Суди Олӣ то кӯчаи Абая, оромгоҳи маҳаллаи Сариосиё, кӯчаи Сомонӣ то кӯчаи Карамов, соҳили дарёи Лучоб ва Боғи Ҷавонон то оромгоҳи гардичи Лучобро тоза намуданд.

Убайдуллоев Ш.Э.