Анҷоми марҳилаи дуюми курсҳои кӯтоҳмуддати такмили ихтисос дар Академияи ВКД

Дар асоси супориши роҳбарияти ВКД, баҳри баланд бардоштани савияи дониш ва малакаи касбии кормандони мақомоти корҳои дохилӣ, дар заминаи кафедраи такмили ихтисоси факултети №3 Академияи ВКД, бо фарогирии 28 нафар кормандони мақомотҳои ҳифзи ҳуқуқ аз санаи 14 то 26 майи соли равон, курсҳои кӯтоҳмуддати такмили ихтисос гузаронида шуданд. 

Аксарияти шунавандагони курсҳои такмили ихтисос, ки аз дигар мақомотҳои ҳифзи ҳуқуқ иштирок доштанд, ба тарз ва усули гузаронидани чунин дарсҳо, вохӯриҳо баҳои хуб дода, изҳори қаноатмандӣ намуданд. Онҳо баргузор гардидани чунин курсҳоро барои кормандони дигар мақомотҳо муҳим арзёбӣ карданд.
Дар марҳилаи дуюми курсҳои кӯтоҳмуддати такмили ихтисос, бо иштироки муовини аввали сардори Академия ВКД, генерал-майори милитсия Кабирзода Ҷ.Ҳ. ба шунавандагони курсҳои такмили ихтисос шаҳодатномаҳо супорида шуд.

Сардори кафедраи такмили
ихтисоси факултети № 3
подполковники милитсия 
Д.Д. Ҳалимзода