"ХУСУСИЯТҲОИ ИСТИФОДАИ ТЕХНИКАИ КРИМИНАЛИСТИКӢ АЗ ҶОНИБИ МУФАТТИШОНИ ПРОКУРАТУРА ДАР РАВАНДИ ТАФТИШИ ҶИНОЯТ”

Таҳти ҳамин унвон таърихи 18 декабри соли 2025 дар ҷаласаи Шурои диссертатсионии 6D.КОА-043 назди Академияи ВКД Ҷумҳурии Тоҷикистон ҳимояи ошкорои диссертатсионӣ сурат гирифт.
АЗАМЗОДА АКМАЛ АЗАМ дар мавзуи “Хусусиятҳои истифодаи техникаи криминалистикӣ аз ҷониби муфаттишони прокуратура дар раванди тафтиши ҷиноят: проблемаҳои назариявӣ ва амалӣ” барои дарёфти дараҷаи илмии номзади илмҳои ҳуқуқшиносӣ аз рӯйи ихтисоси 12.00.12 – Криминалистика; фаъолияти судӣ-экспертӣ; фаъолияти оперативӣ-ҷустуҷӯӣ, тадқиқоти илмии хешро дифоъ намуд.
РОҲБАРИ ИЛМИИ ДИССЕРТАТСИЯ:
НАЗАРОВ АВАЗ ҚУВВАТОВИЧ – доктори илмҳои ҳуқуқшиносӣ, профессори кафедраи Криминалистика ва фаъолияти экспертизаи судии факултети ҳуқуқшиносии Донишгоҳи миллии Тоҷикистон.
МУҚАРРИЗОНИ РАСМӢ:
АСТАНОВ ИСТАМ РУСТАМОВИЧ–доктори илмҳои ҳуқуқшиносӣ, профессор, сардори кафедраи «Криминалистика ва экспертизаҳои судии» Академияи ҳифзи ҳуқуқи Ҷумҳурии Ӯзбекистон;
САМИЕВ НАЗАР МУРАДОВИЧ – номзади илмҳои ҳуқуқшиносӣ, дотсенти Академияи ВКД Ҷумҳурии Тоҷикистон.
МУАССИСАИ ПЕШБАР:
Муассисаи байнидавлатии таълимии таҳсилоти олии «Донишгоҳи (Славянии) Россия ва Тоҷикистон» (ш. Душанбе) тайъин карда шудааст.
Довталаби рисолаи илмӣ Азамзода Акмал Азам дар мавзуи “Хусусиятҳои истифодаи техникаи криминалистикӣ аз ҷониби муфаттишони прокуратура дар раванди тафтиши ҷиноят: проблемаҳои назариявӣ ва амалӣ” баромад карда, мазмуну муҳтавои тадқиқоташро возеҳона пешниҳоди аъзоёни Шурои диссертатсионӣ гардонид.
Ба саволҳои додашудаи аъзоёни Шуро, эроди муқарризон, тақризҳои воридгашта, дониши хубу мукаммали назариявӣ ва амалиашро нишон дод.
Дар маҷмуъ, тибқи Қарори Шурои диссертатсионии 6D.КОА-043 назди Академияи ВКД Ҷумҳурии Тоҷикистон таҳқиқоти диссертатсионии Азамзода Акмал Азам, ки ҷавобгӯйи низомномаю талабот ва муқарраротҳо буд, баҳои сазовор гирифт.
ДИФОИ РИСОЛАРО ТАБРИК МЕГӮЙЕМ!