Парчами давлатӣ — сутуни рамзии истиқлолияти тоҷикон

Ойини парчамдории халқи мо дар масири таърихи чандинҳазорсолаи он умеду ормон ва дастовардҳои мардуми сарбаланди мо, яъне давраҳои гузаштаи давлатдории тоҷикон ва даврони соҳибистиқлолии Тоҷикистони навинро таҷассум менамояд. Парчами давлатӣ дар раванди бунёди давлатдории навин нишонаи возеҳи соҳибдавлатии миллат, мояи ифтихори шаҳрвандон ва омили муҳимтарини иттиҳоду сарҷамъии мардум ба хотири ҳимояи истиқлолу озодии Ватан ва илҳомбахши ҳар як фарди ҷомеа барои заҳмати содиқона ба хотири фардои ободу осуда мебошад.
Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон
Парчами давлатӣ яке аз рамзҳои асосии ҳар як давлати соҳибистиқлол мебошад, ки моҳияти давлатдорӣ, арзишҳои миллӣ, таърих ва ормонҳои мардумро таҷассум мекунад. Дар Ҷумҳурии Тоҷикистон 24 ноябр ми тоҷик мебошад.Баъд аз ба даст овардани истиқлолияти давлатӣ, зарурати қабул намудани рамзҳои мустақили миллӣ пеш омад. Парчами нави давлатӣ ҳамчун Рӯзи Парчами давлатӣ ҷашн гирифта мешавад. Ин рӯз дар давоми таърихи навини кишвар аҳамияти хоса дорад, зеро он рамзи эҳёи давлатдории миллӣ, таҳкими истиқлолият ва ваҳдати мардуҳамчун яке аз рамзҳои муҳим 24 ноябри соли 1992 дар Иҷлосияи таърихии XVI Шӯрои Олии Ҷумҳурии Тоҷикистон расман қабул гардид. Ин рӯз дар ҷомеа ҳамчун оғози давраи нав — давраи бозгашт ба рамзҳои миллӣ ва эҳтироми арзишҳои таърихӣ маънидод мешавад.Парчами давлатии Тоҷикистон аз се ранги уфуқӣ — сурх, сафед ва сабз иборат аст. Маънии ҳар як ранги парчам решаҳои амиқи таърихӣ ва фарҳангӣ дорад. Ранги сурх рамзи ҷасорат, шуҷоати ниёгон ва муборизаи мардум барои озодӣ ва ягонагист. Ин ранги пурқувват рамзи қувваи халқ, истодагарӣ ва иродаи матини миллат маҳсуб меёбад.Ранги сафед — рамзи сулҳу осоиштагӣ, покизагӣ, адолат ва дастовардҳои меҳнатии халқ мебошад. Ин ранги равшан ҳамчунин ба нон, ки гаронбаҳотарин неъмат аст, ишора мекунад. Тоҷикистон ҳамчун кишвари офтобӣ ва меҳнатдӯст ранги сафедро ҳамчун нишонаи нияти нек, рӯшноӣ ва таҳаввули созанда қабул кардааст.Ранги сабз бошад, рамзи табиати зебои Тоҷикистон, ҳосилхезӣ, кишоварзӣ ва зиндагии нав мебошад. Тоҷикистон бо манзараҳои пурҷилои табиаташ, сарзабзӣ ва бойии захираҳои табиӣ машҳур аст. Аз ин рӯ, ранги сабз рамзи ҳаёт, тараққиёт ва умед ба ояндаи дурахшон аст.Дар маркази парчам тасвири тоҷ ва ҳафт ситора ҷойгир аст. Тоҷ рамзи соҳибдавлатии тоҷикон, шарафу ифтихор ва таърихи қадимаи давлатдории тоҷикӣ мебошад. Ҳафт ситора бошад, дар фарҳанги тоҷикон рақами муқаддас ба ҳисоб рафта, рамзи камол, комёбӣ ва саодат аст. Онҳо якҷоя рамзи иттиҳоди миллӣ, рӯҳияи ягонагӣ ва ормонҳои миллӣ мебошанд.Парчами миллӣ дар давраҳои таърихӣ ҳамеша нақши муҳим бозидааст. Пас аз пош хӯрдани Иттиҳоди Шӯравӣ, тоҷикон ба марҳилаи ҳассоси таърихи худ ворид шуданд. Қабули парчами миллӣ дар соли 1992 на танҳо як иқдоми давлатӣ буд, балки рамзи эҳёи ҳувияти миллӣ ва қадами устувор ба сӯи давлатдории мустаҳил гардид. Он замон кишвар ба мушкилоти ҷиддӣ рӯ ба рӯ буд, аммо рамзҳои миллӣ — аз ҷумла парчам — ҳамчун омили муттаҳидкунанда ва қувватбахш барои миллат хизмат карданд.Имрӯз парчам яке аз муқаддасоти миллист, ки дар ҳама идораҳо, муассисаҳои таълимӣ, муассисаҳои давлатӣ, муассисаҳои дипломатӣ ва чорабиниҳои байналмилалӣ барафрохта мешавад. Эҳтиром ба парчам нишонаи ватандӯстӣ ва эҳтиром ба арзишҳои миллӣ ҳисоб меёбад.Ҳамасола дар саросари ҷумҳурӣ 24 ноябр бо тантана таҷлил карда мешавад. Дар ин рӯз дар марказҳои шаҳрҳо, муассисаҳои таълимӣ ва фарҳангӣ барномаҳои ҷашнӣ баргузор мегардад. Дар мактабҳо дарсҳои махсуси тарбиявӣ, конфронсҳо ва мусобиқаҳои варзишӣ доир мешаванд. Ҳадаф аз ин чорабиниҳо баланд бардоштани маърифати шаҳрвандӣ, эҳтиром ба рамзҳои миллӣ ва тарбияи насли наврас дар рӯҳияи ватандӯстист.Яке аз рамзҳои муҳимтарин, ки таваҷҷуҳи ҷаҳонро ҷалб намудааст, ин барафрохтани яке аз баландтарин парчамҳои давлатӣ дар ҷаҳон дар маркази шаҳри Душанбе мебошад. Ин парчами бузург рамзи ифтихор, пешрафт ва дастовардҳои давлат дар солиҳои истиқлол ба шумор меравад.Парчами миллӣ як матоъ нест — он рамзи ҳувият, таърих, фарҳанг ва ормонҳои миллат мебошад. Бо дидани парчам ҳар фарди тоҷик худро ҳамчун қисми давлати соҳибтамаддун эҳсос мекунад. Ин рамз мардумро ба якдигар наздик мекунад, ҳисси худшиносӣ ва ватандориро таҳким мебахшад ва ҷомеаро ба сӯи пешрафт роҳнамоӣ мекунад.Дар шароити ҷаҳони муосир, ки равандҳои сиёсиву фарҳангӣ рӯз ба рӯз тағйир меёбанд, парчам ҳамчун рамзи устуворӣ ва ҳимояи манфиатҳои давлат нақши муҳим дорад. Ҳар кишваре, ки парчами худро эҳтиром мекунад, ба ҳувияти миллӣ, таърихи худ ва роҳе, ки барои оянда интихоб кардааст, содиқ мемонад.
Рӯзи Парчами давлатии Ҷумҳурии Тоҷикистон яке аз ҷашнҳои пурифтихор ва муқаддаси миллии кишвар аст. Ин рӯз на танҳо ёдоварии қабул шудани рамзи давлатӣ, балки рамзи эҳёи ҳувияти миллӣ, ифтихори ватандорӣ ва ваҳдати мардум мебошад. Парчами давлатӣ то имрӯз ҳамчун нерӯи муттаҳидкунандаи миллат хизмат мекунад ва ба наслҳои оянда рӯҳияи ифтихор аз таъриху фарҳанги миллӣ мерасонад.Парчам нишони ИСТИҚЛОЛ аст. Парчам нишони ВАТАН аст. Парчам нишони ваҳдати миллат ва рӯҳияи тоҷикони дунявӣ мебошад. Ба ин хотир, эҳтиром ба парчам эҳтиром ба худи Ватан аст.
Курсанти курси 2 факултети №6
Академияи ВКД Ҷумҳурии Тоҷикистон
милитсияи қаторӣ
Ҳотамзода М.Д.