Маросими тақдими шаҳодатнома ба шунавандагони такмили ихтисос

Аз 30-юми апрел то 12-юми майи соли 2025 дар заминаи факултети № 4 Академияи ВКД Ҷумҳурии Тоҷикистон, кормандони оперативии Раёсати иҷрои ҷазои ҷиноятии СРИҶҶ Вазорати адлияии Ҷумҳурии Тоҷикистон дар вилояти Суғд аз рӯйи самти «Фаъолияти оперативӣ - ҷустуҷӯӣ» ба машғулияти дарсӣ дар курси кӯтоҳмуддати такмили ихтисос фаро гирифта шуданд.
Дар маросими ҷамъбасти курси мазкур ва супоридани шаҳодатномаҳо санаи 12 майи соли 2025 сардори факултети № 4 Академияи ВКД Ҷумҳурии Тоҷикистон, номзади илмҳои ҳуқуқшиносӣ, полковники милитсия Ғафурӣ Меҳриддин Садридинзода, муовини сардори факултети № 4 Академияи ВКД Ҷумҳурии Тоҷикистон оид ба таълим, номзади илмҳои таърих, полковники милитсия Юсуфзода Азимҷон Юсуф, муовини сардори РИҶҶ СРИҶҶ Вазорати адлияии Ҷумҳурии Тоҷикистон дар вилояти Суғд полковники хизматӣ дохила Арабзода Д.Ғ., сардори кафедраи фаъолияти оперативӣ-ҷустуҷӯии МКД факултети № 4 Академияи ВКД Ҷумҳурии Тоҷикистон, номзади илмҳои ҳуқуқшиносӣ, полковники милитсия Абдуллозода Неъматулло Раҳматулло ва шунавандагони курси кӯтоҳмуддати такмили ихтисос иштирок намуданд.
Маросими супоридани шаҳодатномаҳо дар фазои тантанавӣ баргузор гардида, иштирокчиён аз сатҳи баланди ташкили курсҳо ва шароити омӯзиш изҳори қаноатмандӣ намуданд.
Муродзода Ф.Ғ., муаллими кафедраи ФОҶ МКД, факултети № 4 Академияи ВКД Ҷумҳурии Тоҷикистон, лейтенанти калони милитсия