Иштироки омӯзгорони Академияи ВКД Ҷумҳурии Тоҷикистон дар хониши лексияҳои маҷозӣ

Тибқи Протоколи ҳамкорӣ байни Академияи ВКД Ҷумҳурии Тоҷикистон ва Донишкадаи ҳуқуқшиносии Уфаи ВКД Россия, ки барои солҳои 2024-2025 дар самти таҳсил ва илм ба имзо расидааст, 24-уми апрели соли 2025 аз ҷониби сардори кафедраи фанҳои иҷтимоӣ-иқтисодии Донишкадаи мазкур (шаҳри Уфа), дотсент, полковники милитсия Исаев Андрей Анатолевич дарси намунавӣ гузаронида шуд.
Мавзуи дарси намунавӣ «Традиционные российские духовно-нравственные ценности, укрепление общероссийской гражданской идентичности и сохранение государственного суверенитета» ном дошт.
Дар дарси мазкур омӯзгорони Академияи ВКД Ҷумҳурии Тоҷикистон полковники милитсия, н.и.ҳ., дотсент, сардори кафедраи фанҳои давлатӣ-ҳуқуқӣ Каримзода У.К., иҷрокунандаи вазифаи сардори кафедраи фанҳои ҷамъиятӣ, подполковники милитсия Самиъзода Б.С., дотсенти кафедраи фанҳои ҷамъиятӣ, полковники милитсия Бойзода Ҷ.Ҷ., нозири калон оид ба робитаҳои байналмилалии шуъбаи ташкилӣ-илмӣ ва таъбу нашри Академияи ВКД Ҷумҳурии Тоҷикистон, капитани милитсия Абдуллобекзода Т.А. ва курсантони курсҳои 1 ва 2 факултети рақами 2, 45 нафар дар синфхонаи махсуси ШТИ ва ТН Академия ҷамъ омада лексияи мазкурро бодиққат тамошо намуданд.
Лексияи омӯзгор паҳлуҳои мубрами мавзуи болозикрро аз ҷиҳати таърихӣ ва муосир фарогир буд. Дар қисмати охири лексия омӯзгорони Академия ба музокира баромада, андешаҳаи худро оид ба масъалаи мазкур иброз доштанд, ки аз ҷониби нотиқ хуш пазируфта шуд.
Иштирокчиёни лексияи маҷозӣ аз баргузории чунин дарс, ки дар сатҳи баланд роҳандозӣ гардида буд, баҳраманд гашта, дар охир ба лектор арзи сипос намуданд.
Шуъбаи илм