МАШҚҲОИ ОПЕРАТИВӢ-ТАКТИКӢ ДАР АКАДЕМИЯИ ВКД ҶУМҲУРИИ ТОҶИКИСТОН

Машқҳои оперативӣ-тактикӣ марҳилаи хотимавии омӯхтани фанҳои «Фаъолияти оперативӣ-ҷустуҷӯӣ»,«Фаъолияти маъмурии мақомоти корҳои дохилӣ» ва «Мурофиаи ҷиноятӣ» аз ҷониби курсантон буда, усули самарабахши санҷиш ва мустаҳкам намудани дониши назариявӣ ва таҷрибаҳои амалии курсантон бо ин фанҳо мебошад.

Гузаронидани машқҳои оперативӣ-тактикӣ ду хусусият дорад:

1. Дарсӣ ‑ санҷиш ва мустаҳкам намудани дониши назариявии курсантон дар гузаштани таҷрибаомӯзии дар пеш истода ва расонидани ёрии амалӣ дар омода шуданашон ба имтиҳонҳои давлатӣ.

2. Тарбиявӣ‑ барои иҷрои уҳдадорӣ, тарбия намудани курсантон дар руҳияи риояи принсипҳои қонуният, инсондӯстӣ, баробарӣ дар назди қонун, эҳтиром ва риояи ҳуқуқу озодиҳои инсон ва шаҳрванд, пинҳонкорӣ, ҳамбастагии усул ва воситаҳои ошкоро ва ғайриошкоро ҳангоми гузаронидани чорабиниҳои оперативӣ-ҷустуҷӯӣ бо мақсади огоҳонидан пешгирӣ кардан ва кушодани ҷиноятҳо.

Мақсади иҷро намудани талаботи нақшаҳои таълимии Академияи ВКД Ҷумҳурии Тоҷикистон дар самтҳои сайқал додани дониши назариявии курсантон, ташаккули таҷрибаи амалии фаъолияти онҳо, такмил додани маҳорати қабули қарори дуруст дар ҳолатҳои воқеии хизматӣ, дар давраи аз 23 декабри соли 2024 то 3 январи соли 2025 бо курсантони курсҳои 5 факултетҳои № 2, 5 ва 6 Академияи ВКД Ҷумҳурии Тоҷикистон, машқҳои оперативӣ-тактикӣ ташкил ва гузаронида мешавад.

Барои роҳбарӣ намудан ва гузаронидани машқҳои оперативӣ-тактикӣ бо фармоиши сардори Академияи ВКД Ҷумҳурии Тоҷикистон аз 18 декабри соли 2024 ситод аз ҳисоби роҳбарияти Академияи ВКД, шуъбаи таълим ва ҳайати профессорону омӯзгорони кафедраҳои тахасусӣ таъсис дода шуд.

Машқҳо дар асоси нақшаи таълимӣ ва ҷадвали дарсӣ, дар ҳама гурӯҳҳои машқӣ аз соати 9⁰⁰ то 16⁰⁰ гузаронида мешавад. Натиҷаи гузаронидани машқҳо аз ҷониби мушоҳидачиён омӯзгорони кафедраҳои тахассусӣ ҳамарӯза назорат ва ҷамъбаст карда мешавад.

Ҳамаи штирокчиёни машқҳои оперативӣ-тактикиро ба 10 гурӯҳ тақсим карда, ҳар як иштирокчииин гурӯҳҳо дар вазифаи шахси мансабдори Шӯъбаи вазорати корҳои дохилӣ, ба монанди: ваколатдори оперативӣ, сарваколатдори оперативӣ, сардори шӯъбаи кофтукови ҷиноятӣ, нозири минтақавии милитсия, муфаттиш, муфаттиши калон, сардори қисми навбатдорӣ, ёрдамчии навбатдор, сарнозири минтақавии милитсия, нозири минтақавии милитсия, эксперт ва сардори ШВКД баромад мекунанд.

Омӯзгорони Академия дар гузаронидани машқҳо ба ҳайси мушоҳидачӣ ширкат меварзанд.

Гурӯҳҳои машқӣ дар самти ҷустуҷӯӣ ҷиноятӣ фаъолият намуда пас аз хотима ёфтани машқҳо, натиҷаи корашонро ба мушоҳидачиён пешкаш менамоянд.

Дар ҷараёни гузаронидани машқҳо курсантон аз воситаҳои техникаи оперативӣ, махсуси криминалистӣ, видеокамераҳо, суратгиракҳо, радиостансияҳо ва алоқаи ноқилӣ фаъолона истифода бурданд. Инчунин мутахасисон аз ДТММ РВТМ ВКД, Маркази хадамоти кинологии ВКД ва РТК ВКД даъват карда шуда, ба курсантон дарсҳои назарявӣ намоиш доданд.

Дар машқҳои оперативӣ-тактикӣ ба дарёфт намудани воситаи нашъадор, моддаҳои тарканда ва дастгир намудани ҷинояткорон санаи 26 декабри соли 2024 дарси амалӣ аз ҷониби кормандони Маркази Хадамоти кинологии ВКД Ҷумҳурии Тоҷикистон, Дастаи таъйиноти махсуси ВКД гузаронида шуд.

Санаи 6 январи соли 2025 бо ишитроки муовини аввали сардори Академияи ВКД Ҷумҳурии Тоҷикистон, н.и.ҳ., полковники милитсия Ализода А. Ш., ҷамъбасти машқҳои оперативӣ-тактикӣ дар соли 2025 гузаронида шуд.

Курсантони зерин дар рафти гузаронидани машқҳои оперативӣ-тактикӣ фаъол буданд ва за хуб малака ва маҳорати баланди касбӣ нишон доданд: Асомиддинзода М. А., Мирзоева М. И., Муллоҷонов М. Р. (501), Азимов М. Б., Ҷалолзода Қ. И., Мирсадиқов Р. В., Пулотов А. Э (502), Ёрализода Н. Ҳ., Ҷамолзода Ф., Сатторов А. Ҷ. (503), Аловхонзода Н. С., Ғафуров М. М., Раҷабов Х. М. (504), Каримзода А. А., Саркорова Н. З., Юсупов С. Н. (505), Акбарзода С. Р., Исматов З. З., Салимзода Р. Ф. (506), Қурбонзода М. Ҳ., Маҳмадзубайдов Б. М., Саидов Т. Ш. (507).