Такмили ихтисоси кормандони Хадамоти шиносномавию бақайдгирии ВКД

Аз 5-уми март то 6-уми апрели соли 2018 бо супориши Вазири корҳои дохилӣ генерал-полковники милитсия Раҳимзода Р.Ҳ. дар заминаи факултети №3-и Академияи ВКД Ҷумҳурии Тоҷикистон кормандони Хадамоти шиносномавию бақайдгирии Вазорати корҳои дохилӣ ба курсҳои такили ихтисос ҷалб карда шуданд.
Баъди ба анҷом расидани курси такмили ихтисос рӯзи 7-уми апрели соли 2018, бо иштироки муовини аввали сардори Академияи ВКД генерал-майори милитсия Кабирзода Ҷ.Ҳ., ҳайати омӯзгорон ва шунавандагон маросими тантанавии супоридани сертификатҳо оид ба хатми курсҳои мазкур бо шунавандагон баргузор гардид.
Муовини сардори Академияи ВКД Кабирзода Ҷ.Ҳ. хатмкунандагони курсҳои такмили ихтисосро самимона муборакбод намуда, ба онҳо дар кори амалӣ бурдбориҳо таманно кард ва иброз дошт, ки дар вазифаҳои хизматии хеш содиқона ва софдилона ба халқу Ватан хизмат намоянд.

Бо ташаббуси Вазири корҳои дохилӣ дар заминаи Академияи ВКД минбаъд ба курсҳои такмили ихтисос кормандони дигар сохторҳо ва мақомоти ҳифзи ҳуқуқ сафарбар карда хоҳанд шуд.
Сафарова Саида, Ҳалимзода Дилафруз.