Санҷиши ҳолати омодабошии ҳайати шахсии факултети №4-и Академияи ВКД

Тибқи дастуру супоришҳои Вазири корҳои дохилии Ҷумҳурии Тоҷикистон генерал-полковники милитсия Раҳимзода Рамазон Ҳамро, санҷиши ҳолати омодабошии ҷангӣ ва варзишии ҳайати шахсии мақомоти корҳои дохилӣ дар вилояти Суғд баргузор гардид.
Дар ин радиф, субҳи рӯзи 4 июни соли 2024, соати 04:00-дақиқа, ҳолати омодабошии ҳайати шахсии факултети №4-и Академияи Вазорати корҳои дохилии Ҷумҳурии Тоҷикистон (бо қароргоҳ дар шаҳри Хуҷанд) мавриди санҷиш қарор дода шуд.
Дар ҷараёни санҷиш вобаста ба истифодаи силоҳи ҷангӣ, қоидаҳои бехатарӣ ҳангоми истифодаи силоҳ, тартиби нигоҳдории он, муқаррароти Конститутсия, иҷрои дастуру супоришҳои Ҳукумати Ҷумҳурии Тоҷикистон оид ба донистани забонҳои хориҷӣ маълумоти муфассал дода шуд.
Ҳамчунин иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти таълим, барномаҳои таълимӣ, баргузории машғулиятҳо, савияи дониши курсантон, забондонӣ, истифодаи усулҳои муосири таълим ва дигар самтҳои фаъолияти факултети мазкур мавриди санҷиш қарор гирифтанд.