Баргузор гардидани он-лайн конференсияи байналмилалӣ

Барои Академияи ВКД Ҷумҳурии Тоҷикистон инкишофи ҳамкорӣ бо донишкадаҳои қудратӣ, алалхусус, донишкадаҳои пешқадами хориҷӣ бешубҳа яке аз самтҳои аввалиндараҷаи фаъолият маҳсуб ёфта, танҳо тавассути ҳамкории байналмилалӣ тайёр намудани кормандони баландихтисосе, ки аз уҳдаи ҳалли вазифаҳои мубориза бар зидди ҷинояткории на танҳо маҳдуд, балки дар миқиёси байнидавлатӣ қобилиятдошта мумкин аст.

Вобаста ба ин, якумин бор дар таърихи Академияи ВКД, дар ҷодаи ҳамкориҳои дутарафа ва мувофиқи Созишнома оид ба ҳамкорӣ дар соҳаи маориф ва фаъолияти илмӣ байни Донишкадаи Сибирии ВКД Россия дар ш.Красноярск ва Академияи ВКД Ҷумҳурии Тоҷикистон, санаи 5 апрели соли 2018 мутахассисони Академияи ВКД дар он-лайн конференсияи XXI-уми илмӣ-амалии байналмилалии «Масоили мубрами мубориза ба ҷинояткорӣ: масъалаҳои назария ва амалия» (Актуальные проблемы борьбы с преступностью: вопросы теории и практики), ки дар ш.Красноярск баргузор гардид, иштирок намуданд. Конференсияи мазкур бо истифода аз барномаи интернетии «Скайп» баргузор гардид.

Дар чорабнии мазкур муовини сардори Академияи ВКД оид ба илм, номзади имлҳои ҳуқуқ, полковники милитсия Саидзода З.А., инчунин, профессорону омӯзгорони факултетҳои №№ 2 ва 6 иштирок намуданд.
Дар он-лайн конференсия сардори факултети №1 Академияи ВКД, номзади илмҳои ҳуқуқ, полковники милитсия Нозиров Н.А. бо маърӯза дар мавзӯи «Ташкил намудани ҳамкории муфаттиш бо мақомоти таҳқиқ дар доираи ҳимояи ҳуқуқ ва озодии инсон ва шаҳрванд» (Организация взаимодействия следователя с органами дознания в контексте охраны прав и свобод человека и гражданина) баромад намуд. Баъд аз анҷоми маърӯза аз тарафи олимони Донишкадаи Сибирии ВКД Россия дар ш.Красноярск ба маърӯзачӣ оид ба хусусиятҳои рафти тафтиш ва таҳқиқ дар Ҷумҳурии Тоҷикистон саволҳо пешниҳод гардиданд.
Каримова Л.М., Убайдуллоев Ш.Э., Сафаров О.