Таҷлили Рӯзи Ғалаба дар факултети №4 Академияи ВКД

8 майи соли 2024 бахшида ба 79-умин солгарди Рӯзи Ғалаба дар Ҷанги Бузурги Ватанӣ бо ҷалби ҳайати доимӣ ва тағйирёбандаи факултети №4 Академияи ВКД Ҷумҳурии Тоҷикистон чорабинии идона ташкил ва баргузор гардид. Дар оғози чорабинӣ байрақи Академияи ВКД таҳти роҳбарии майори милитсия Абдураҳмонзода Н.А. ба майдон бароварда шуда, Суруди миллӣ садо дод.
Дар рафти чорабинӣ бо сухани ифтитоҳӣ сардори факултети №4, н.и.ҳ., полковники милитсия Ғафурӣ М.С. баромад намуда, ҳозиринро бо Рӯзи Ғалаба бар фашизм табрик карда, ҳамзамон ба хотири гиромидошти рӯҳи шаҳидоне, ки баҳри ба даст овардани Ғалаба ҷони худро нисор намудаанд, дақиқаи хомӯшӣ эълон намуд.
Сипас, бо сухани табрикӣ муаллими кафедраи фанҳои ҳарбӣ-хизматӣ, капитани милитсия Абдукаримзода М.А. баромад намуда, дар бораи Рӯзи Ғалаба ба таври мухтасар маълумот дод.
Чорабинии идона бо баровардани Байрақи ҷангӣ аз майдон ба итмом расид.
Абдукаримзода М.А., муаллими кафедраи фанҳои ҳарбӣ-хизматии факултети №4, Академияи ВКД, капитани милитсия