Таваҷҷӯҳи роҳбарияти Академияи ВКД ба забономӯзии курсантон

4 апрели соли 2024 дар асоси супориши роҳбарияти Академияи ВКД Ҷумҳурии Тоҷикистон аз ҷониби муовини аввали сардори Академия, н.и.ҳ., полковники милитсия Ализода А.Ш. ва сардори факултети №2, н.и.ҳ., дотсент, Мансурзода А.М., бо курсантоне, ки ба омӯзиши забонҳои хориҷӣ (рӯсӣ, англисӣ ва ғ.) машғуланд, вохӯрӣ гузаронида шуд.
Зимни вохӯрӣ Ализода А.Ш. қайд кард, ки донистани забонҳои хориҷӣ талаботи имрӯзаи давлату Ҳукумати мамлакат ба ҳисоб меравад. Аз ин лиҳоз, шумо бояд барои аз худ намудани забонҳои хориҷӣ саъю кушиш намоед, зеро чӣ тавре, ки дар урфият мегӯянд «Забон донӣ, ҷаҳон донӣ».
Мавриди қайд аст, ки дар Академияи ВКД дар баробари омӯхтани илмҳои ҳуқуқшиносӣ, инчунин ҷиҳати омӯзиши забонҳои хориҷӣ, технологияи муосир ва фанҳои дақиқ таваҷҷӯҳи хоса зоҳир карда мешавад.
Раҷабалиён А., капитани милитсия