Амнияти киберӣ ва мубориза ба киберҷиноятҳо дар Россия ва Тоҷикистон: мубоҳисаи байнидонишгоҳӣ

Мутобиқи Протокол оид ба ҳамкорӣ дар соҳаи таълим ва фаъолияти илмӣ, инчунин Барномаи мақсаднокии кор барои соли 2024, ки байни Академияи ВКД Тоҷикистон ва Донишкадаи ҳуқуқшиносии ВКД Россия дар ш. Уфа ба имзо расида буданд, санаи 15 феврали соли 2024 мубоҳисаи илмии байни донишгоҳҳо дар мавзуи «Амнияти киберӣ ва идоракунии хавфҳои иттилоотӣ дар Россия ва Ҷумҳурии Тоҷикистон», ки аз як тараф кафедраи идоракунии мақомоти корҳои дохилии Донишкадаи Ҳуқуқшиносии ВКД Россия дар ш. Уфа ва аз тарафи дигар аз ҷониби кафедраи амнияти иттилоотӣ ва технологияҳои рақамии факултети № 5 Академияи ВКД Тоҷикистон ташкил карда шуд.
Пеш аз оғози мубоҳиса муовини сардори Донишкадаи ҳуқуқшиносии ВКД Россия дар ш. Уфа (оид ба кори илмӣ), номзади илмҳои ҳуқуқшиносӣ, дотсент, полковники политсия Алексей Юревич Терехов ва муовини сардори Академияи ВКД Ҷумҳурии Тоҷикистон оид ба илм, доктори илмҳои ҳуқуқшиносӣ, дотсент, подполковники милитсия Раҳмадҷонзода Рифат Раҳмадҷон бо сухани ифтитоҳӣ баромад карданд.
Дар кори мубоҳиса омӯзгорон ва курсантони ду муассисаи таҳсилоти олии касбӣ иштирок намуда, дониши худро дар соҳаи фаҳмиши ҷиноятҳои компютерӣ мубодила намуда, оид ба мафҳуми «таҳдидҳои киберӣ» ва «ҳамлаҳои иттилоотӣ» андешаҳои худро баён намуда, нақши амнияти киберӣ дар ҳифз аз таҳдидҳои террористӣ ва экстремистӣ, ҳифзи маълумоти шахсӣ, нақши мақомоти давлатӣ дар таъмини амнияти киберӣ ва идоракунии хавфҳои иттилоотӣ, механизмҳои ҳуқуқӣ ва технологияҳои мубориза бо ҷинояткорӣ дар соҳаи технологияҳои иттилоотӣ байни Россия ва Тоҷикистон ва бисёр масъалаҳои дигари марбут ба ин масъала баррасӣ шуданд.
Муколамаи ҷолиб доир ба масъалаҳои марбут ба амнияти киберӣ ва вазъияти мубориза бо киберҷинояткорӣ дар Россия ва Тоҷикистон сурат гирифта, пас аз ҳар як баромад ба маърузачиён саволҳои завқовар дода шуд. Баҳс дар сатҳи баланди касбӣ гузашт. Пас аз шунидани ҳама баромадҳо аз ҳарду ҷониб, иштирокчиёни барҷастатарини мубоҳиса аз рӯйи чанд номинатсия эълон шуданд, ки ба онҳо аз номи роҳбарияти Донишкадаи ҳуқуқшиносии ВКД Россия дар ш. Уфа ва Академияи ВКД бо дипломҳо сарфароз гардонида мешаванд.
Шуъбаи ташкилӣ-илмӣ ва табъу нашр