Ҳуҷҷатнигорӣ

Давлатшоева, А., Муҳитдинзода, Н. Ҳуҷҷатнигорӣ: дастури таълимӣ барои курсантон ва шунавандагони Академияи ВКД. – Душанбе: Нашриёти РТМТ ва Н-и ВКД ҶТ, 2023. – 184 с.

Иншои санадҳо дар мардуми деринагрӯзгор ва деринафарҳанги мо дар гузаштаҳои басо дур расм гардида, то ба имрӯз идома дорад. Вожаи “ҳуҷҷат” дар фарҳангномаҳо бо муродифоти худ – далел, бурҳон, асос, баҳсу мунозира ифода меёфт. Имрӯз дар Тоҷикистони соҳибистиқлол, хушбахтона, дар фаъолияти мақомоти ҳокимияти давлатӣ, мақомоти маҳаллии ҳокимияти давлатӣ, мақомоти худидоракунии маҳаллӣ, шахсони мансабдор, иттиҳодияҳои ҷамъиятӣ, корхонаҳо, муассисаҳо ва ташкилотҳо сарфи назар аз шакли моликият кӯшиш ба харҷ дода мешавад, ки ҳуҷҷатнигориро пурра бо забони тоҷикӣ ба роҳ монанд ва ин раванд боиси эҳёи ҳуҷҷатнигории асили тоҷикӣ мешавад. Аз ҷумла, дар мақомоти корҳои дохилӣ таҳияи ҳуҷҷатҳои меъёрии ҳуқуқӣ ба забони давлатӣ ба роҳ монда шудааст.
Бинобар ин, дар дастури пешниҳодшуда аз сохтор, мазмуну мундариҷа, тарзи тартиб додани чанде аз ҳуҷҷатҳое сухан меравад, ки курсантон ва шунавандагони Академияи ВКД, инчунин, доираи васеи хонандагон метавонанд мавриди корбарӣ қарор диҳанд.

Шуъбаи ташкилӣ-илмӣ ва табъу нашр