Чорабинии фарҳангию фароғатӣ дар ҷамъомади таълимӣ-саҳроӣ

Бо фармоиши сардори Академияи ВКД Ҷумҳурии Тоҷикистон, доктори илмҳои ҳуқуқшиносӣ, дотсент, генерал-майори милитсия Шарифзода Файзалӣ Раҳмоналӣ, 26 августи соли равон муовини сардори Академия оиди кор бо ҳайати шахсӣ, полковники милитсия Шарифзода М.С. ва дастаи ҳаваскорони Академияи ВКД ба қисми ҳарбии №6592-и Раёсати Қӯшунҳои дохилии ВКД Ҷумҳурии Тоҷикистон, ки дар онҷо курсантони навшомилшуда ба Академияи ВКД Ҷумҳурии Тоҷикистон дар соли 2023 машқҳои таълимӣ-саҳроиро гузаронида истодаанд, вохӯрӣ доир намуданд.
Дар рафти вохӯрӣ полковники милитсия Шарифзода М.С. дастуру ҳидоятҳои Пешвои муаззами миллат муҳтарам Эмомалӣ Раҳмонро дар бораи ҳушёриву зиракии сиёсӣ, ҳимояи ҳуқуқ ва озодиҳои шаҳрвандон, манфиатҳои ҷомеа ва давлат аз хатарҳои муосири экстремизм, терроризм, гардиши ғайриқонунии воситаҳои нашъадор, савдои одамон ва дигар ҷиноятҳои хусусияти трансмиллидошта бо таври содаву равон иброз дошт.
Ҳамчунин қайд намуд, ки дар ин лаҳзаҳои мураккаби ҳарбӣ-сиёсии ҷаҳон танҳо матонату мардонагӣ, ватандӯстиву адолатпарварӣ, эҳтирому эътимод ба фарҳанги миллӣ, таъриху адаби пурифтихори миллати тоҷик моро аз ин хатарҳо эмин медоранд.
Дар фарҷоми суханронӣ ба курсантони курси якум дар самти таъмини риояи интизоми хизматӣ, бо баҳои хубу аъло хондан, ба забономӯзӣ диққати махсус зоҳир кардан ва бо таври мунтазам ба варзиш машғул шуданд, дастуру супоришҳои мушаххас дод.
Дар анҷом аз ҷониби дастаи ҳавакорони Академияи ВКД чорабинии фарҳангию фароғатӣ баҳри болидарӯҳии курсантони навшомилшуда доир карда шуд.
Сафарзода С.Н., Убайдуллоев Ш.Э.