Курсантони қабули соли 2023-и Академияи ВКД бомуваффақият ҷамъомади саҳроиро сипарӣ намуданд

Тибқи фармоиши сардори Академияи ВКД Ҷумҳурии Тоҷикистон аз 10 августи соли 2023, таҳти №579 “Оид ба гузаронидани ҷамъомади таълимӣ-саҳроӣ бо курсантони курси 1-уми факултетҳои №№2, 4, 5 ва 6-и Академияи ВКД Ҷумҳурии Тоҷикистон дар соли таҳсили 2023-2024” ва мутобиқи дастуру супоришҳои сардори Академияи ВКД Чумҳурии Тоҷикистон, доктори илмҳои ҳуқуқшиносӣ, дотсент, генерал-майори милитсия Шарифзода Файзалӣ Раҳмоналӣ оид ба татбиқи “Нақша-чорабиниҳо ҷиҳати гузаронидани ҷамъомади таълимӣ-саҳроӣ бо курсантони курси 1-и факултетҳои №2, №4, №5 ва №6 Академияи ВКД Ҷумҳурии Тоҷикистон, соли қабули 2023” аллакай корҳои мушаххасе ҳамарӯза ба анҷом расонида шуда истодааст.
Сардори ҷамъомади таълимӣ-саҳроӣ, подполковники милитсия Исмоилзода Обид Нурмуҳаммад ва дастаи афсарону омӯзгорони ботаҷрибаи Академияи ВКД Ҷумҳурии Тоҷикистон дар назди қисми ҳарбии РҚД ВКД Ҷумҳурии Тоҷикистон собиқ - довталабон, феълан курсантони навшомилшударо аз машқу тамринҳои 40-рӯза гузаронида истодаанд.
Ҳолати беш аз якҳафтаинаи онҳо нишон дод, ки ҷавонони навшомил ба талаботи навашон дар зиндагӣ, реҷаи низомӣ ва хусусан дар шароити мушкили куҳӣ-саҳроӣ ба ҳаёти ҳарбӣ мутобиқат шуда истодаанд.
Албатта фаъолиятҳои низомӣ ҳар як дақиқааш мушаххас буда, аз ҷониби роҳбарияти болоӣ тақсим ва ба тасвиб расидааст. Тамоми ҳайати шахсӣ дар асоси он фаъолиятҳояшонро ба иҷро мерасонанд. Агар ҳар як шахси ба ин муҳит ва ба ин реҷа воридгашта мутобиқ шавад, оянда кору амал ва дар маҷмуъ хизматаш осон хоҳад гашт.
Мегӯянд: ранг бину ҳол пурс. Симо, ҳаракату амал ва рафтору гуфтори курсантон нишон дод, ки онҳо бо як дилгармӣ, шавқу рағбат, ҳавас ба ин реҷаи низомӣ ворид гашта, нишондиҳандаҳоро рӯз ба рӯз хубтару бештару беҳтар ба иҷро расонида истодаанд.
Ҳайати фармондеҳии ҷамъомади таълимӣ-саҳроӣ низ барои бо сифат гузаронидану бо натиҷаҳои дилхоҳ ба анҷом расонидани он ҳамарӯза талош меварзанд ва ҳама чораҳои заруриро меандешанд. 17 нафар афсарони ботаҷриба, ҳар яке дар самти таълим, варзиш, истироҳат, фароғат чорабиниҳои ташкилӣ-тарбиявӣ ва оммавӣ-фарҳангиро ба амал мебароранд. Ҳар як командирони гурӯҳҳои таълимӣ талош меварзанд, ки ҷузъу томи худро аз монеаҳо ва талаботи гузошташуда бо сарбаландӣ бароранд.
20-уми августи соли 2023, ки рӯзи тафреҳӣ буд барои курсантон мусобиқаҳои варзишӣ миёни гурӯҳҳои таълимӣ гузаронида шуд. Комиссияи босалоҳият аз ҳисоби омӯзгорону афсарони қисми ҳарбии будубош натиҷаҳои бадастовардаи курсантонро одилона баррасӣ намуда, дар ҷамъомади пагоҳирӯзии умумии санаи 21 август онҳоро ҷамъбаст намуда ғолибонро бо мукофотҳо қадрдонӣ намуданд.