Иштироки курсантони Академияи ВКД дар конференсияи байналмилалӣ

Новобаста ба мушкилоту проблемаҳои зиёде, ки дар вақтҳои охир дар саросари ҷаҳон рӯх дода истодаанд, илм сарҳадҳоро васеъ намуда, олимони ҷавони ҷаҳонро ба ҳам наздик мекунад. Инчунин ҳамкории Академияи ВКД бо муассисаҳои таълимии олии кишварҳои дуру наздик дар як ҷой намеистад ва марзашро васеъ мекунад. Инак, 14 апрели соли ҷорӣ олимони ҷавони Академия дар симои курсантон дар кори конференсияи илмӣ-назариявии умумироссиягbb сатҳи байналмилалидошта таҳти унвони «Актуальные вопросы права в условиях цифровизации общества», ташкилкунандаи он Донишкадаи (филиали) Донишгоҳи Россиягии дӯстии халқҳои ба номи Патрис Лумумба дар ш. Сочи, дар шакли он-лайн фаъолона иштирок намуданд.

Бо суханҳои ифтитоҳӣ директори донишкадаи мазкур А.И. Петенко, роҳбари илмии донишкада, номзади илмҳои иқтисодӣ Н.И. Козлова, прокурори ш. Сочи Я.М. Коган ва аз тарафи Академияи ВКД Тоҷикистон доктори илмҳои ҳуқуқшиносӣ, дотсент Р.Р. Раҳмадҷонзода баромад намуданд.

Аз тарафи Академияи ВКД курсантони курси 4-уми факултети № 2 Мусоева Фуруғ бо маърӯза дар мавзӯи “Преступления в сфере информационной безопасности: понятие и законодательное закрепление» ва Ҳалимов Амирҷон бо маърузаи «Преступления в сфере цифровых и информационно-телекоммуникационных технологий и меры по их противодействию» бо роҳбарии илмиашон – номзади илмҳои ҳуқуқшиносӣ, полковники милитсия Арипов А.Л. баромад намуданд.

Дар рафти конференсия бо маърузаҳои илмӣ ҳамчунин, курсантон ва шунавандагон аз муассисаҳои таълимии худи Федератсияи Россия, Ҷумҳурии Қазоқистон иштрок намуда, оид ба масъалаҳои гуногуни мубрами давлатҳои худ маърузаҳои ҷолиби худро пешниҳод намуданд.
Бояд гуфт, ки ба ин муассисаи таълимӣ Академияи ВКД бори аввал ҳамкорӣ намуда, умедворем, ки таҳкими минбаъдаи ҳамкории мо устувор хоҳад шуд.
Шуъбаи ташкилӣ-илмӣ ва табъу нашр