Иштирок дар он-лайн конференсияи байналмилалӣ оид ба масъалаҳои мубрами фаъолияти ҳифзи ҳуқуқ

Дар ҷодаи ҳамкориҳои дутарафа ва мувофиқи Барномаи мақсаднокии Академияи ВКД Ҷумҳурии Тоҷикистон ва Донишкадаи ҳуқуқшиносии ВКД Россия дар ш. Ростов-на-Дону, 14 апрели соли ҷорӣ конференсияи илмӣ-амалии байналмилалӣ дар мавзӯи «Масъалаҳои мубрами фаъолияти ҳифзи ҳуқуқ» (Актуальные проблемы правоохранительной деятельности) дар режими он-лайн баргузор гардид.

Қайд намудан ба маврид аст, ки масъалаи мазкур дар Академияи ВКД мавриди омӯзиш қарор ёфта, мавзӯи илмӣ таҳти унвони «Проблемаҳои амалия ва назарияи модернизатсияи фаъолияти ҳимояи ҳуқуқ ва ҳифзи ҳуқуқ дар Ҷумҳурии Тоҷикистон», ки аз буҷаи давлатӣ маблағгузорӣ карда мешавад, гузаронида шуда истодааст.

Бо суханҳои ифтитоҳӣ муовини сардори Донишкада оид ба корҳои илмӣ, номзади илмҳои ҳуқуқшиносӣ, дотсент Сергей Василевич Пахомов баромад намуд.
Аз номи Академияи ВКД дар кори он-лайн конференсия сардори кафедраи ҳуқуқи маъмурӣ ва фаъолияти маъмурии факултети № 2 Академияи ВКД, номзади илмҳои ҳуқуқшиносӣ, майори милитсия Н.Д. Вализода бо маъруза дар мавзуи “Ҳамкории мақомоти корҳои дохилӣ бо ташкилотҳои ҷамъиятӣ дар соҳаи ҳифзи тартиботи ҷамъиятӣ” (Взаимодействие органов внутренних дел с общественными объединениями в области охраны общественного порядка) баромад намуд.
Дар кори конфренсия оид ба масъалаҳои гуногуни фаъолияти ҳифзи ҳуқуқ, ҳуқуқшиносон ва профессорону омӯзгорони системаи ВКД/Политсия аз Ҷумҳурии Озарбойҷон, Қазоқистон, Қирғизистон ва худи Россия баромад намуданд.
Шуъбаи ташкилӣ-илмӣ ва табъу нашр