Мусобиқаи варзишӣ бахшида ба ҷашни байналмилалии Наврӯз

19-уми марти соли 2023 бахшида ба ҷашни байналмилалии Наврӯз дар толори варзишии Академияи ВКД Ҷумҳурии Тоҷикистон, байни наврасону ҷавонон, мусобиқаи ҷумҳуриявии варзишӣ аз намуди «Муҳорибаҳои омехта» (ММА) баргузор гардид.

Дар мусобиқаи мазкур 4 даста аз минтақаҳои гуногуни ҷумҳурӣ ширкат варзиданд.

Чорабинии варзиширо сардори факултети №5 Академияи ВКД, майори милитсия Нуруллозода Меҳрулло кушода эълон намуда, аз номи сардори Академияи ВКД, доктори илмҳои ҳуқуқ, генерал-майори милитсия Шарифзода Файзалӣ Раҳмоналӣ варзишгарон ва меҳмононро хуш омадед гуфта, дар қувваозмои бурдбориҳо таманно кард.

Баъдан бо садо додани Суруди миллии Ҷумҳурии Тоҷикистон мусобиқа оғоз гардид.

Дар ин чорабинӣ дастаи Академияи ВКД зери роҳбарии муаллими кафедраи ТТМ ва ОҶ, майори милитсия Назарзода Манучеҳр фаъолона иштирок намуда, сазовори ҷойи аввал гашта, 3 медали тилло 2 медали нуқра ва 2 медали биринҷӣ ба даст овард.
Баъди анҷоми мусобиқа ба ғолибон ва мураббиёни онҳо аз номи роҳбарияти Академияи ВКД туҳфаҳои хотиравӣ ва медалу Ифтихорномаҳо тақдим карда шуд.
Раҷабалиён Абдулҳаким, лейтенанти калони милитсия