Семинари омӯзишӣ бо ҷалби масъулони шуъбаҳои кор бо ҷавонони муассисаҳои таҳсилоти олии касбии кишвар

18-уми марти соли 2023 бо ибтикори Иттифоқи ҷавонони Тоҷикистон дар толори Кумитаи миллии Олимпии Ҷумҳурии Тоҷикистон нахустин семинари омӯзишӣ дар мавзӯи "Тақвият ва таъсисдиҳии намояндагиҳои Иттифоқи ҷавонони Тоҷикистон дар заминаи шуъбаҳои кор бо ҷавонони муассисаҳои таҳсилоти олии касбӣ дар татбиқи сиёсати давлатии ҷавонон", доир гардид.

Семинари омӯзиширо Раиси Иттифоқи ҷавонони Тоҷикистон Раҳмонзода Абдулло Қурбоналӣ ифтитоҳ намуда, аз боварӣ ва эътимоди Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ғамхории пайваста нисбат ба насли наврасу ҷавони кишвар, ҳамзамон оид ба тақвият бахшидани фаъолияти шуъбаҳои кор бо ҷавонони муассисаҳои таҳсилоти олӣ, таҳдиду хатарҳои ҷаҳони муосир, пешгирӣ аз гаравиши ҷавонон ба гурӯҳҳои иртиҷоӣ, таъсиси намояндагиҳои Иттифоқи ҷавонони Тоҷикистон дар муассисаҳои таҳсилоти олии касбии кишвар, таъсиси маҳфилҳо дар факултаҳои муассисаҳои олӣ суханронӣ намуданд.

Раиси "Шӯрои ҷавонон"-и Академияи ВКД дар семинари омӯзишӣ дар мавзӯи "Тақвият ва таъсисдиҳии намояндагиҳои Иттифоқи ҷавонони Тоҷикистон дар заминаи шуъбаҳои кор бо ҷавонони муассисаҳои таҳсилоти олии касбӣ дар татбиқи сиёсати давлатии ҷавонон", фаъолона иштирок намуд.
Убайдуллоев Ш.Э.