Вохӯрии муфид бо курсантони Академияи ВКД

15-уми марти соли 2023, дар толори Академияи ВКД Ҷумҳурии Тоҷикистон вохӯрии намояндаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон баргузор гардид.

Дар вохӯрии мазкур муовини аввали сардори Академияи ВКД, н.и.ҳ. полковники милитсия Насуриён П.А., муовини раиси ташкилоти ҷамъияти "Пайравони Пешвои миллат", ҳамзамон роҳбари КВД Маркази ташаккули фарҳанг ва рушди иҷтимоии ҷавонон Раҷабзода 3., сардори Факултети №5 Академияи ВКД майори милитсия Нурулозода М.Н., муаллими калони кафедраи пешгирии ҷиноятҳои террористӣ ва таъмини бехатарии ҷамъиятии Факултети №6, ҳамзамон раиси «Шӯрои ҷавонон»-и Академияи ВКД лейтенанти калони милитсия Раҷабалиён А.Р. ва дигар меҳмонон иштирок доштанд.

Сухани ифтитоҳиро пас аз садо додани Суруди миллӣ муовини аввали сардори Академияи ВКД, н.и.ҳ. полковники милитсия Насуриён П.А. оғоз намуда, қайд кард, ки ҷавонон идомадиҳандаи сунатҳои таърихиву фарҳангии қадимии миллати худ, сарчашмаи ташаббусҳои бузург, манбаи ғояҳои нав, эҷодкори тақдири имрӯзу ояндаи Тоҷикистони соҳибистиқлол мебошад.
Муовини раиси ташкилоти ҷамъиятии «Пайравони Пешвои миллат», ҳамзамон роҳбари КВД Маркази ташаккули фарҳанг ва рушди иҷтимоии ҷавонон Раҷабзода 3., вобаста ба мазмуну муҳтаво ва дастуру ҳидоятҳои Паёми навбатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон "Дар бораи самтҳои асосии сиёсати дохилию хориҷии ҷумҳурӣ", ки 23 декабри соли 2022 ироа гардид, суханронӣ намуд.

Дар вохӯрии мазкур зиёда аз 200 нафар устодону курсантони Академияи ВКД ва аъзоёни фаъоли «Шӯрои ҷавонон»-и Академияи ВКД иштирок намуданд.
Раҷабалиён А.Р