Ҳамкории байналмилалӣ дар самти таълим

Дар ҷодаи ҳамкориҳои дутарафа ва мувофиқи иҷрои бандҳои дахлдори Созишнома оид ба ҳамкорӣ дар соҳаи маориф ва фаъолияти илмие, ки 26 апрели соли 2018 байни Академияи ВКД ва Донишкадаи ҳуқуқшиносии ВКД Россия дар ш. Барнаул ба имзо расидааст, инчунин тибқи Барномаи кории мақсаднок, 1-уми марти соли 2023 дарс дар шакли маҷозӣ барои курсантони факултети № 2 Академияи ВКД дар мавзӯи «Хусусиятҳои умумии низоъ ва хусусиятҳои механизми пайдоиши он дар фаъолияти мақомоти корҳои дохилӣ. Хусусиятҳои психологии низоъ» (Общая характеристика конфликта и особенности механизма его возникновения в деятельности ОВД. Психологические особенности конфликтов) баргузор гардид.

Лектори он сардори кафедраи психология ва педагогика дар мақомоти корҳои дохилии Донишкадаи мазкур, номзади илмҳои таърих, дотсент, полковники политсия Курсакова Елена Николаевна буд. Лексия дар сатҳи баланд гузашт ва курсантон маълумоти наву шавқовар аз худ намуданд.
Дар охири лексия иштирокчиён ҳамкории пурсамар ва натиҷабахшро дар оянда таманно намуданд.
Шуъбаи ташкилӣ-илмӣ ва табъу-нашр