Чорабиниҳои муфиди таълимӣ баҳри болоравии маҳорату малакаи кормандони милитсия

Яке аз вазифаҳои муҳим ва асосие, ки дар назди Академияи ВКД Ҷумҳурии Тоҷикистон меистад, ин омода намудани кадрҳои баландихтисос барои мақомоти корҳои дохилӣ ва баланд бардоштани дараҷаи тахассусии онҳо ба ҳисоб меравад. Дар заминаи факултети №3 Академияи ВКД Ҷумҳурии Тоҷикистон дар асоси Нақшаи таълимии тасдиқгардидаи Вазири корҳои дохилии Ҷумҳурии Тоҷикистон генерал-полковники милитсия Раҳимзода Рамазон Ҳамро бо мақсади баланд бардоштани малакаи касбии кормандони мақомоти корҳои дохилӣ курси такмили ихтисос бо навбатдорон ва навбатдорони калони оперативии қисмҳои навбатдории Раёсати нозиротӣ-ташкилии ВКД Ҷумҳурии Тоҷикистон баргузор шуд.

Мутобиқи ҷадвали дарсии тасдиқнамудаи сардори Академияи ВКД дарсҳои таълимии курси такмили ихтисос дар сатҳи баланди касбӣ аз тарафи олимони Академия ва дигар омӯзгорони пуртаҷрибаи кафедраҳои тахассусӣ дар синфхонаҳои махсуси муҷаҳҳаз бо воситаҳои аёнии таълимӣ доир гардиданд. Вобаста ба такмили донишҳои оперативӣ аз ҷониби сардори факултети №6, номзади илмҳои ҳуқуқшиносӣ, подполковники милитсия Амрудинзода М.А. аз фанни ФОҶ ба шунавандагон дарси амалӣ гузаронида шуд.

Ҳамчунин шунавандагон аз Осорхонаи Академия, китобхонаи Вазири корҳои дохилӣ ва синфхонаҳо дидан намуданд.
Ба роҳ мондани чунин чорабиниҳои муфиди таълимӣ баҳри болоравии маҳорату малакаи кормандони мақомоти корҳои дохилӣ тавассути курсҳои такмили ихтисос мусоидат менамояд.

Асламов Б.С., Убайдуллоев Ш.Э.