Таҷлили бошукуҳи Иди Соли нав дар Академияи ВКД

Бо ибтикори роҳбарият, муовини сардори Академияи ВКД оиди кор бо ҳайати шахсӣ, полковники милитсия Шарифзода М., кормандони шуъбаи кадрҳои Академия таҷлили бошукуҳи истиқболи Иди Соли нав дар толори фарҳангӣ баргузор гардид.

Чорабинии фарҳангиро муовини аввали сардори Академияи ВКД, н.и.ҳ., полковники милитсия Насуриён П.А. кушода, ҳозиринро бо фарорасии Соли нави мелодӣ самимона табрику муборакбод намуд. Муовини аввали сардори Академия иброз намуд, ки «Академияи ВКД дар соли сипаригаштаи 2022 ба натиҷаҳои наззаррас соҳиб гашт ва дар соли оянда корҳои зиёде ба нақша гирифта шуданд, ки бояд дар сатҳи баланд иҷро гарданд. Бахусус, мо бояд фаъолияти худро дар асоси нишондодҳои Паёми Президенти кишвар муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ба роҳ монем».
Бахшида ба Иди Соли нав як қатор кормандон бо Ифтихорнома ва медалҳо қадрдонӣ гардиданд. Ҳамчунин маросими ба нафақа гусел кардани собиқадорон баргузор гардид. Сипас аз ҷониби дастаи корманд-ҳаваскорони Академия намоиши театрӣ бо иштироки Бобои Барфӣ, Барфак ва дигар қаҳрамонҳои солинавӣ баргузор гардида, ба чорабинӣ сарояндагони номӣ Зафар Аюбӣ ва Иззат Шарифӣ шукуҳу хушхолӣ бахшиданд.
Ҳайти шахсии Академияи ВКД Соли нави мелодиро бо комёбиҳои назаррас ва рӯҳи болида истиқбол гирифта, ба фарзандони оилаҳои онҳо аз ҷониби роҳбарият тӯҳфаҳои солинавӣ тақдим гардид.

Асламов Б.С., Сафарова С.Н., Убайдуллоев Ш.Э.