Малакаи роҳбарӣ

Дар Академияи ВКД Ҷумҳурии Тоҷикистон бо мақсади дар амал татбиқ намудани Қарори Ҳукумати Ҷумҳурии Тоҷикистон №204 аз 24 апрели соли 2022 “Дар бораи Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони болаёқат барои солҳои 2023-2030”, машғулиятҳои таълимӣ бо кормандзанони ВКД Ҷумҳурии Тоҷикистон аз рӯи барномаи “Малакаи роҳбарӣ” рафта истодааст.
Барои баланд бардоштани сатҳи донишу малакаи касбии кормандзанони мақомоти корҳои дохилӣ, бо дастуру супориши Сардори Академияи ВКД Ҷумҳурии Тоҷикистон, барои дар сатҳи баланди касбӣ гузаронидани машғулиятҳои дар мавзуҳои “Идоракунии фаъолияти шахсият, гуруҳ, коллектив, хусусиятҳои хоси муносибат байни кормандони мақомоти ҳифзи ҳуқуқ”, “Тавсифи психологии усулҳои роҳбарӣ”, устоди кафедраи психологияи Донишгоҳи миллии Тоҷикистон Давлатов Маҳмадулло ва номзади илмҳои ҳуқуқ Хайруллоев Фаррух Сайфуллоевич дар мавзуи “Зӯровари дар оила” даъват шудаанд.