Раванди ҷамъомади таълимӣ-саҳроии курсантони Академия

Яке аз самтҳои муҳими Академияи ВКД ин омода намудани курсантони курси якум ба талаботҳои оинномавӣ ва раванди таълиму тарбия маҳсуб меёбад. Дар ин асос дар қисми низомии 6592-и Қушунҳои дохилии ВКД Ҷумҳурии Тоҷикистон ҷамъомади таълимӣ - саҳроии курсантони факултетҳои №2, №4, №5, №6 гузашта истодааст. Ба ҷамъомади таълими-саҳроӣ майори милитсия Нуруллозода М. ва полковники милитсия Маҳмадзода С. роҳбарӣ менамоянд.
Айни ҳол ҷамъомад дар асоси нақшаи таълимии тасдиқнамудаи сардори Академияи ВКД идома ёфта, ба курсантон талаботҳои оинномавӣ ва асосҳои фаъолияти милитсия омȳзонида мешавад. Ҷамъомади таълимӣ- саҳроӣ дар дараҷаи зарурӣ ба роҳ монда шуда, аз рȳзҳои аввал курсантон малака ва лаёқати хуб нишон дода истодаанд. Баъд аз анҷоми ҷамъомади таълими - саҳроӣ курсантони курси якум дар вазъияти тантанавӣ Савганди корманди милитсияро қабул менамоянд.
Асламов Б.С.,Сафарзода С.Н.,Убайдуллоев Ш.Э.